मुंबई इंडियन्स रोहित शर्माच्या प्रेमात, खास पोस्ट करत चाहत्यांना सांगितली स्पेशल गोष्ट

मुंबई : मुंबई इंडियन्सचा संघ रोहित शर्माच्या प्रमात पडल्याचे पाहायला मिळत आहे. रोहित शर्मा आता मुंबई इंडियन्सचा कर्णधार नाही, पण तरीही संघाने त्याच्यासाठी एक भन्नाट पोस्ट आता केली आहे. मुंबई इंडियन्सच्या संघाने रोहितसाठी ही पोस्ट करतना एक खास गोष्ट सर्वांना सांगितली आहे. त्यामुळेच मुंबई इंडियन्सची ही पोस्ट चांगलीच व्हायरल झाली आहे.

रोहित शर्माला मुंबई इंडियन्सच्या संघाने गेल्या सामन्यात खास पुरस्कार दिला होता. मुंबई इंडियन्सचा या आयपीएलमधील पहिला विजय होता. त्यानंतर मुंबई इंडियन्सच्या खेळाडूंनी जोरदार सेलिब्रेशन केलं खरं, पण त्यानंतर ड्रेसिंग रुममध्ये एक खास कार्यक्रम झाला होता. या कार्यक्रमात संघाचे मुख्य प्रशिक्षक मार्क बाऊचर यांनी रोहितबाबत काही गोष्टी सांगितल्या. या सामन्यात रोहितने संघाला झोकात सुरुवात करून दिली होती. त्यामुळे त्याला यावेळी गेम चेंजर हा पुरस्कार देण्यात आला होता. संघाचे फलंदाजी प्रशिक्षक कारयन पोलार्ड यांनी यावेळी रोहित शर्माला मुंबई इंडियन्सचा एक अनमोल बॅच दिला होता. त्यानंतर आता मुंबई इंडियन्सच्या संघाने एक खास पोस्ट रोहितबाबत एक स्पेशल गोष्ट सांगितली आहे.

मुंबई इंडियन्सने यावेळी रोहित शर्माचा एक जुना फोटो सोशल मीडियावर पोस्ट केला आहे. या फोटोवर ११ एप्रिल ही तारीखही लिहिली आहे. त्यानंतर मुंबई इंडियन्सने लिहिले आहे की, " तब्बल १३ वर्षांपूर्वी मुंबई इंडियन्सच्या संघात रोहित शर्माचे आगमन झाले होते आणि तेव्हापासून रोहित शर्मा हा संघाचा एक अविभाज्य भाग बनलेला आहे." रोहित शर्माने १३ वर्षांपूर्वी आजच्याच दिवशी म्हणजेच १० एप्रिल २०११ साली मुंबई इंडियन्सच्या संघात एंट्री केली होती. त्यानंतर गेली १३ वर्षे तो संघाबरोबर कायम आहे. काही दिवसांपूर्वी रोहित शर्मा मुंबई इंडियन्सचा संघ सोडणार, अशी अफवा पसरली होती. पण ही गोष्ट खरी नसल्याचे पाहायला मिळाले. रोहति शर्मा हा मुंबई इंडियन्सचा कर्णधार नाही, पण तो संघाचा अविभाज्य भाग आहे हे मुंबई इंडियन्सच्या संघाने स्पष्ट केले आहे. त्यामुळे हार्दिक संघाचा कर्णधार असला तरी रोहित शर्माचे संघातील वजन कमी झालेले नाही.

रोहित शर्माने संघाला पाच जेतेपदं मिळवून दिली आहे. त्यामुळेच जेव्हा रोहितला संघाच्या कर्णधारपदावरून हटवण्यात आले तेव्हा चाहत्यांनी मुंबई इंडियन्सला ट्रोल केले होते.

अजूनही हार्दिक कर्णधार असला तरी रोहितलाच संघाचे चाहते जास्त पाठिंबा देत असल्याचे पाहायला मिळाले आहे. त्यामुळे रोहित कर्णधार नसला तरी चाहत्यांच्या मनातील कर्णधार मात्र रोहित शर्माच आहे, असे पाहायला मिळत आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-10T08:28:13Z dg43tfdfdgfd