मुंबई इंडियन्सचा खेळाडू होणार पाकिस्तानचा मुख्य प्रशिक्षक, कोण होणार नवा कोच जाणून घ्या...

लाहोर : पाकिस्तान क्रिकेट बोर्ड (पीसीबी) राष्ट्रीय टीमच्या नवीन मुख्य प्रशिक्षक पदासाठी उमेदवार शोधत होते. शेन वॅाटसन आणि डैरेन सॅमी यांसारख्या दिग्गज खेळाडूंच्या नकारानंतरही पाकिस्तान क्रिकेट बोर्डद्वारे मुंबई इंडियन्सच्या खेळाडूने मुख्य प्रशिक्षक व्हावे, यासाठी विनवणी केली जात होती. अखेर मुंबई इंडियन्सच्या या मजी खेळाडूने ही विनंती मान्य केली आणि तो आता पाकिस्तानचा मुख्य प्रशिक्षक होण्यासाठी तयार झाला आहे.

पाकिस्तानच्या क्रिकेट मंडळाने ऑस्ट्रेलिया व न्यूझीलंडचा माजी विकेटकीपर व फलंदाज ल्युक रोंची याच्याशी चर्चा केली आहे. पीसीबीच्या एका सुत्राने सांगितले की, बुधवारी ४२ वर्षीय रोंची सोबत विस्तृत चर्चा झाली आहे. रोंची पाकिस्तान सुपर लीग टीम इस्लामाबाद युनायटेडचा ही प्रशिक्षक होता. सुत्रांद्वारे असे सांगितले जात आहे की, 'कोणताही मोठा प्रशिक्षक पीसीबीसोबत काम करण्यासाठी इच्छुक नाही, कारण त्यांच्यातील काही आधीपासूनच वेगवेगळ्या संघासोबत करार आहेत. तर काहींना पाकिस्तान क्रिकेटच्या काम करण्याच्या पद्धतीवर शंका उपस्थित केली आहे, त्यामुळे प्रशिक्षक पदासाठी रोंचीचा विचार केला गेला आहे. '

ल्युक रोंचीला आयपीएल २००८ मध्ये मुंबई इंडियन्सने संघात घेतले होते. पहिल्या पर्वात त्याला चार सामने तर त्याच्या पुढच्या पर्वात एक सामना खेळण्याची संधी मिळाली होती. त्याने ६.८० च्या सरासरीने फक्त ३४ रन बनवले होते. क्रिकेटमधून संन्यास घेतल्यानंतर रोंचीने न्युझीलंड टीमच्या फलंदाजी प्रशिक्षक व सल्लागार म्हणुन काम केले. इस्लामाबाद युनायटेडने पाकिस्तान लीगचा किताब मिळवला ज्याचा तो प्रशिक्षक होता. २०१८ ला पाकिस्तान सुपर लीग मध्ये ल्यूक रोंचीने इस्लामाबाद युनायटेडसाठी फक्त १९ चेंडूत अर्धशतक बनवले होते. तो त्या स्पर्धेतील इतिहासात दुसरा सर्वात जलद अर्धशतक करणारा खेळाडू ठरला होता.

सुत्रांनी म्हटले आहे की, ' विदेशी व स्थानिक प्रशिक्षकांसोबत पीसीबीच्या व्यवहार बघता, विदेशी प्रशिक्षकांच्या मनात शंका येणे स्वाभाविकच आहे. रोंचीने एक अट पाकिस्तानच्या क्रिकेट मंडळापुढे ठेवली आहे. यामध्ये त्याने म्हटले आहे की, कामाचे मुल्यांकन प्रत्येक सामन्यानंतर न करता ते एका निश्चित वेळेनंतर केले जावे.' जर पाकिस्तानच्या क्रिकेट मंडळाने ही मागणी मान्य केली, तर रोंची हा पाकिस्तानच्या क्रिकेट संघाला नवा प्रशिक्षक असणार आहे.

रोंची हा दोन देशांकडून खेळला आहे.रोंची असा खेळाडू आहे ज्याने आंतरराष्ट्रीय खेळात दोन देशांचे प्रतिनिधित्व केले आहे. रोंची पहिल्यांदा ऑस्ट्रेलिया व त्यानंतर न्युझीलंडसाठी खेळताना दिसला. वॉटसनच्या व्यतिरिक्त डेरेन सॅमीने ही पाकिस्तानचा मुख्य प्रशिक्षक बनण्यास नकार दिला होता. यानंतर संघाने जस्टिन लँगर व गैरी कर्स्टनशी चर्चा केली होती. परंतु , मिडिया रिपोर्ट्सनुसार या सर्वांनी पीसीबीला नकार दिला आहे.

रोंची हा पाकिस्तान क्रिकेट संघाचा मुख्य प्रशिक्षक होणार, हे जवळपास निश्चिच समजले जात आहे. पण या गोष्टीची अधिकृत घोषणा कधी केली जाते, याकडे स्रवांचे लक्ष राहीलेले असेल.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-03-28T14:19:16Z dg43tfdfdgfd