मुंबई इंडियन्सच्या पराभवाची हॅट्रिक; घरच्या मैदानावर राजस्थान रॉयल्सने लोळवलं

मुंबई: आज वानखेडे मैदानावर राजस्थान रॉयल्स विरुद्ध मुंबई इंडियन्स सामना झाला. या सामन्यात राजस्थान रॉयल्सने मुंबई इंडियन्सचा ३ विकेटने पराभव केला आहे. मुंबई इंडियन्सचा घरच्या मैदानावरच लाजिरवाणा पराभव झाला आहे. दरम्यान राजस्थानने नाणेफेक जिंकून प्रथम गोलंदाजी करण्याचा निर्णय घेतला. मुंबईने २० षटकांत नऊ गडी गमावून १२५ धावा केल्या आणि राजस्थानसमोर १२६ धावांचे लक्ष्य ठेवले होते.

या सामन्यात मुंबईच्या टॉप ऑर्डरची कामगिरी निराशाजनक होती. रोहित शर्मा आणि नमन धीरच्या रूपाने पहिल्याच षटकात संघाला दोन धक्के बसले. ट्रेंट बोल्टने आपल्या गोलंदाजीचे प्रदर्शन करत सलग दोन चेंडूत दोन बळी घेतले. डावाच्या तिसऱ्या षटकातही डेव्हॉल्ड ब्रेव्हिसच्या रूपाने डावखुऱ्या गोलंदाजाने तिसरे यश मिळवले. तिन्ही फलंदाज खाते न उघडताच बाद झाले. संघाला चौथा धक्का २० धावांवर इशान किशनच्या रूपाने बसला. चौथ्या षटकाच्या तिसऱ्या चेंडूवर नांद्रे बर्जरकरवी तो सॅमसनकरवी झेलबाद झाला.

या सामन्यात राजस्थानच्या गोलंदाजांनी मुंबईच्या फलंदाजांचा धुव्वा उडवला. तिलक वर्मा आणि हार्दिक पांड्या यांच्यात पाचव्या विकेटसाठी ५६ धावांची भागीदारी झाली, जी चहलने ७६ धावांच्या स्कोअरवर मोडली. राजस्थानविरुद्ध कर्णधाराला २१ चेंडूत ३४ धावा करता आल्या. या काळात त्याच्या बॅटमधून सहा चौकार आले. यानंतर सातव्या क्रमांकावर फलंदाजीला आलेल्या पियुष चावलाला केवळ तीन धावा करता आल्या. त्याला आवेश खानने बाद केले.

या सामन्यात मुंबईचा कणा म्हणून उभा राहिलेला टिळक वर्माही बाद झाला. युझवेंद्र चहलने त्याला आपला बळी बनवले. २९ चेंडूत ३२ धावा करून युवा फलंदाज माघारी परतला. या सामन्यात गेराल्ड कोएत्झीने चार आणि टीम डेव्हिडने १७ धावा केल्या. त्याचवेळी बुमराह आठ धावा करून नाबाद राहिला आणि आकाश मधवाल चार धावा करून नाबाद राहिला. ट्रेंट बोल्ट आणि युझवेंद्र चहल यांनी प्रत्येकी तीन विकेट घेतल्या. नांद्रे बर्गरने दोन, तर आवेश खानने एक गडी बाद केला.

प्रत्युत्तरात रियान परागच्या झंझावाती अर्धशतकाच्या जोरावर राजस्थानने १५.३ षटकात ६ गडी राखून सामना जिंकला. रियान परागने आपला उत्कृष्ट फॉर्म सुरू ठेवत सलग दुसरे अर्धशतक झळकावले. परागने ३९ चेंडूत नाबाद ५४ धावा केल्या. त्याच्याशिवाय दुसरी सर्वोत्तम धावसंख्या म्हणजे अश्विनच्या बॅटमधून १६ धावा. रियान परागने एकट्याने मुंबई इंडियन्सकडून सामना हिसकावून घेतल्याचे स्पष्ट झाले आहे. मात्र, राजस्थानच्या विजयाचा पाया त्याच्या गोलंदाजांनी रचला.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-01T17:44:07Z dg43tfdfdgfd