मुंबई इंडियन्सच्या पहिल्या सामन्यातच हार्दिक पंड्याचे टेंशन वाढले, पाहा काय आहे मोठे कारण...

अहमदाबाद : मुंबई इंडियन्सचा या आयपीएलमधील पहिला सामना रंगणार आहे. पण या सामन्यापूर्वी मुंबईचा नवा कर्णधार हार्दिक पंड्याचे टेंशन वाढेलले पाहायला मिळत आहे. हार्दिकचे टेंशन वाढण्याचे एक मोठे कारण आता समोर आले आहे.

हार्दिकला मुंबईचा संघ एकिकडे सांभाळावा लागणार आहे. पण दुसरीकडे त्याचा सामना अशा संघाबरोबर होत आहे, ज्यामध्ये तो यापूर्वी कर्णधार होता. त्यामुळे गुजरातच्या संघाला हार्दिकच्या सर्व गोष्टी माहिती आहेत. त्यामुळे आता गुजरातच्या संघाचा सामना कसा करायचा, हा मोठा प्रश्न हार्दिकपुढे असेल आणि हेच त्याचे टेंशन वाढवण्याचे कारम असेल.

मुंबई इंडियन्सची जमेच्या बाजू - हार्दिक पंड्याचे प्रभावी नेतृत्व. टी-२० क्रमवारीत अव्वल असलेला वेगवान गोलंदाज जसप्रीत बुमराह संघात. ईशान किशन, रोहित शर्मासारखे आक्रमक सलामीवीर. रोहितकडे कर्णधारपदाची जबाबदारी नाही. गेराल्ड कोएत्झी, नुवान तुषारासारखे चांगले खेळाडू संघात. पीयूष चावलासारखा अनुभवी फिरकीपटू संघात.

कमकुवत बाजू - सूर्यकुमार यादव अद्याप तंदुरुस्त नाही. त्याची उणीव संघाला जाणवणार. बेभरवशी संघ. मागील काही मोसमांपासून भट्टी जमलेली नाही

गुजरातची जमेची बाजू - गिलसारखा युवा आक्रमक सलामीवीर. कर्णधारपदाची जबाबदारी आल्यानंतर आणखी उत्तम फलंदाज ठरू शकतो. त्याला प्रशिक्षक आशिष नेहरा आणि न्यूझीलंडचा कर्णधार केन विल्यमसन यांचे मोलाचे मार्गदर्शन मिळणार. अनुभवी फिरकी गोलंदाज रशीद खान हा संघातील हुकमी एक्का. डेव्हिड मिलरसारखा आक्रमक फलंदाज संघात. ऑस्ट्रेलियाच्या स्पेन्स जॉन्सनला दहा कोटी रुपयांत खरेदी केली आहे. नूर अहमद आणि मोहित शर्मा हे महत्त्वाचे खेळाडू.

कमकुवत बाजू - हार्दिक पंड्या आता संघात नाही. त्याची उणीव संघाला नक्कीच जाणवणार. वेगवान गोलंदाज महंमद शमीची अनुपस्थिती. नव्या कर्णधाराच्या नेतृत्वाखाली संघाची घडी बसवण्याचे आव्हान. मधली फळी कमकुवत. शाहरुख खान, राहुल तेवतिया, साई किशोर, साई सुदर्शन यांच्या कामगिरीत सातत्याचा अभाव. उमेश यादवचा हरपलेला फॉर्म.

मुंबई - हार्दिक पंड्या (कर्णधार), रोहित शर्मा, ईशान किशन, डिवाल्ड ब्रेव्हिस, तिलक वर्मा, जसप्रीत बुमराह, पीयूष चावला, गेराल्ड कोएत्झी, टिम डेव्हिड, श्रेयस गोपाल, अंशुल कम्बोज, कुमार कार्तिकेय, आकाश मढवाल, क्वेना माफाका, महंमद नबी, शम्य मुलाणी, नमन धीर, शिवालिक शर्मा, रोमारिओ शेफर्ड, अर्जुन तेंडुलकर, नुवान तुषारा, विष्णू विनोद, नेहल वढेरा, ल्युक वूड, सूर्यकुमार यादव*

गुजरात - शुभमन गिल (कर्णधार), अझमतुल्ला ओमरझाई, स्पेन्सर जॉन्सन, कार्तिक त्यागी, जोश लिटल, अभिनव मनोहर, डेव्हिड मिलर, सुशांत मिश्रा, दर्शन निलकांडे, नूर अहमद, रशीद खान, वृद्धिमान साहा, साई किशोर, साई सुदर्शन, एम. शाहरुख खान, विजय शंकर, बी. आर. शरथ, मोहित शर्मा, मानव सुतार, राहुल तेवतिया, मॅथ्यू वेड, केन विल्यमसन, जयंत यादव, उमेश यादव.

सामन्याची वेळ : सायंकाळी ७.३० पासूनस्थळ : नरेंद्र मोदी स्टेडियम, अहमदाबाद

थेट प्रक्षेपण : स्टार स्पोर्ट्स, जिओ सिनेमा

आमनेसामने

४ लढती

२ मुंबईचे विजय

२ गुजरातचे विजय

2024-03-24T13:10:05Z dg43tfdfdgfd