मुंबई इंडियन्सच्या संघात मॅचविनर खेळाडूची एंट्री, हार्दिक आणि रोहितची चिंता मिटली...

मुंबई : केकेआरचा सामना मुंबई इंडियन्ससाठी करो या मरो, असाच असणार आहे. त्यामुळे या सामन्यासाठी आता मुंबई इंडियन्सच्या संघात एका मॅचविनर खेळाडूची एंट्री होणार आहे. त्यामुळे आता हार्दिक पंड्या आणि रोहित शर्मा यांची चिंता मिटणार असल्याचे दिसत आहे.

हार्दिकच्या नेतृत्वाखाली मुंबईच्या संघाला चांगली कामगिरी करता आलेली नाही. त्यामुळे ते प्ले ऑफमध्ये पोहोणार की नाही, याची उत्सुकता सर्वांना लागलेली आहे. मुंबई इंडियन्सने आतापर्यंत १० सामने खेळले आहेत. या १० सामन्यांमध्ये तब्बल सात सामन्यांमध्ये मुंबई इंडियन्सच्या संघाला सात पराभव पत्करावे लागले आहेत. पण या १० सामन्यांत मुंबई इंडियन्सला तीन विजय फक्त मिळवता आले आहेत. या तीन विजयांसह मुंबई इंडियन्सच्या संघाच्या खात्यामध्ये सहा गुण आहेत. मुंबईचा संघ हा या सहा गुणांसह पॉइंट्स टेबलमध्ये नवव्या स्थानावर आहे. पण मुंबईचा संघ नवव्या स्थानावर असला तरी त्यांचे आव्हान अजूनही कायम आहे. त्यामुळे केकेआरचा सामना मुंबईसाठी महत्वाचा आहे. त्यामुळेच या सामन्यात मुंबईच्या संघात एकहाती सामना फिरवणाऱ्या खेळाडूची एंट्री होणार असल्याचे म्हटले जात आहे.

गेल्या बऱ्याच सामन्यांपासून हार्दिक पंड्याने एका खेळाडूला संधी दिलेली नाही. पण हा खेळाडू एका षटकातही सामना फिरवू शकतो. मुंबई इंडियन्सचा हा खेळाडू आहे रोमारिओ शेफर्ड. वानखेडेवर यापूर्वी झालेल्या एका सामन्यातील अखेरच्या षटकात शेफर्डने तुफानी फटकेबाजी केली होती आणि त्यामुळेच मुंबईच्या संघाला विजय मिळवता आला होता. कारण शेफर्डची ही खेळी निर्णयक ठरली होती. त्यानंतर मात्र बऱ्याच सामन्यांमध्ये आता शेफर्ड दिसलेला नाही. त्यामुळे आता या महत्वाच्या सामन्यात शेफर्डला संघात संधी देण्यात येणार असल्याचे संकेत मिळत आहेत.

मुंबईसाठी केकेआरचा सामना हा सर्वात महत्वाचा असणार आहे. मुंबईने तर सर्व लढती जिंकल्या तर त्यांना अजून आठ गुण कमावता येऊ शकतात आणि त्यांचे एकूण १४ गुण होऊ शकतात. आयपीएलचे प्ले ऑफ गाठायचे असेल तर त्यासाठी एक मॅजिक फिगर असते. जेव्हा आठ संघ खेळायचे तेव्हा १२ गुण ही मॅजिक फिगर होती. पण आता आयपीएलमध्ये १० संघ असतात, त्यामुळे या आयपीएलचा मॅजिक फिगर हा १४ गुण असणार आहे. त्यामुळे मुंबईचा संघ कशी कामगिरी करतो, याकडे सर्वांचे लक्ष लागलेले असेल. त्यामुळे या सामन्याला मोठे महत्व आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-05-03T13:25:37Z dg43tfdfdgfd