मुंबई इंडियन्सच्या संघातून रोहित शर्मा आऊट, हार्दिक पंड्याचा व्हिडिओ झाला व्हायरल...

मुंबई : रोहित शर्मा आणि मुंबई इंडियन्स यांच्यामध्ये वाद सुरु असल्याचे म्हटले जात आहे. त्यानंतर आता रोहित शर्मा मुंबई इंडियन्सच्या टीममधून आऊट झाल्याचे पाहायला मिळाले आहे. सध्या हार्दिक पंड्याचा मुंबई इंडियन्सच्या खेळाडूंबरोबरोबरचा एक व्हिडिओ व्हायरल झाला आहे.

रोहित शर्मा आणि मुंबई इंडियन्समध्ये गेल्या काही महिन्यांपासून सारे काही आलबेल नसल्याचे समोर आले आहे. या गोष्टीचा फटका मुंबई इंडियन्सबरोबर हार्दिक पंड्यालाही बसला. त्यानंतर रोहित आणि हार्दिक यांच्यातील सर्व काही ठीक नसल्याचे समोर आले आहे. कारण मुंबई इंडियन्सच्य पत्रकार परिषदेमध्ये ही गोष्ट प्रकर्षाने जाणवली होती. रोहित काही आक्रमक व्यक्ती नाही. त्यामुळे त्याने हार्दिकच्या कॅप्टनीला विरोध केलेला नाही. पण काही गोष्टींमधून रोहित आपला विरोध दाखवत असल्याचे समोर आले आहे, अशी एक गोष्टही आता घडली आहे.

आयपीएलला सुरुवात होण्यापूर्वी संघातील खेळाडूंना एकत्र आणण्यासाठी मुंबई इंडियन्सने एका पिकनिकचे आयोजन केले होते. ही पिकनीक अलिबाग येथील एका रिसॉर्टमध्ये आयोजित करण्यात आली आहे. यावेळी मुंबई इंडियन्सचा कर्णधार हार्दिक पंड्या हा खेळाडूंरह या रिसॉर्टमध्ये जात असल्याचे समोर आले आहे. पण यावेळी एक मोठी गोष्ट पाहायला मिळाली आहे. ही गोष्ट म्हणजे रोहित शर्मा मुंबई इंडियन्सच्या संघातून आऊट असल्याचे पाहायला मिळत आहे. फक्त रोहित शर्माच यावेळी मुंबई इंडियन्सच्या संघाबरोबर नसल्याचे समजते आहे. काही जणांच्या मते रोहित आपली नाराजी या माध्यमातून दर्शवत असल्याचे म्हटले जात आहे. कारण यावेळी मुंबईच्या खेळाडूंचा व्हिडिओ व्हायरल झाला आहे आणि त्यामध्ये रोहित शर्मा नसल्याचे स्पष्टपणे दिसत आहे. त्यामुळे रोहित शर्मा यावेळी मुंबई इंडियन्सच्या संघाबरोबर का नव्हता, याचा खुलासा संघ करणार का, याची उत्सुकता सर्वांना असेल.

या गोष्टीवरून पुन्हा मुंबई इंडियन्स आणि रोहित शर्मा यांच्या बिनसल्याची जोरदार चर्चा सुरु झाली आहे. आयपीएलच्या लिलावापूर्वी ही गोष्ट घडल्याचे पाहायला मिळाले. कारण आयपीएलच्या देवाण-घेवाणीत मुंबई इंडियन्सने हार्दिक पंड्याला आपल्या संघात स्थान दिले. मुंबई इंडियन्सचा संघ फक्त एवढ्यावर थांबला नाही तर त्यांनी रोहित शर्माकडून संघाचे कर्णधारपद काढून घेतले. रोहित शर्माची काहीही चूक नसताना त्याच्याकडून कर्णधारपद काढून घेतल्यावर चाहतेही नाराज झाले आणि त्यांनी मुंबई इंडियन्सला ट्रोल करायला सुरुवात केली होती. अजूनही चाहते मुंबई इंडियन्स आणि हार्दिक पंड्या यांना ट्रोल करत आहेत.

2024-03-20T09:45:23Z dg43tfdfdgfd