मुंबई इंडियन्सला IPL पूर्वीच मोठा धक्का, हार्दिक पंड्याला संधी देण्याचा निर्णय अंगाशी आला...

नवी दिल्ली : हार्दिक पंड्याला संघात स्थान देण्यासाठी मुंबई इंडियन्सच्या संघाने एक मोठी गोष्ट केली होती. पण ही गोष्ट आता त्यांच्या चांगलीच अंगलट आली आहे. कारण आयपीएल सुरु होण्यापूर्वी आता मुंबई इंडियन्सला एक मोठा धक्का बसला आहे.

मुंबई इंडियन्सने हार्दिक पंड्याला आपल्या संघात स्थान द्यायचे हे ठरवले होते. मुंबईच्या संघाने तसे केलेही आणि त्याला कर्णधारपदही दिले. पण हार्दिक पंड्याला संघात स्थान देण्यासाठी मुंबई इंडियन्सने एक मोठी गोष्ट केली होती. मुंबई इंडियन्सने केलेली ही एक मोठी गोष्ट आता त्यांच्या चांगलीच अंगाशी आली आहे. त्यामुळे आयपीएलपूर्वीच आता मुंबई इंडियन्सला धक्का बसल्याचे म्हटले जात आहे.

आयपीएलपूर्वी मुंबई इंडियन्सला कोणता मोठा धक्का बसला, पाहा...

मुंबई इंडियन्सला हार्दिकला संघात स्थान देण्यासाठी आपल्या पर्समध्ये तेवढ्या पैशांची गरज होती. त्यामुळे हार्दिकला संघात घेण्यापूर्वी मुंबई इंडियन्सने एक मोठे काम केले. मुंबई इंडियन्सने आपल्या संघातील महागडा खेळाडू असलेल्या कॅमेरून ग्रीनला रीलीज केले. त्यानंतर आरसीबीच्या संघाने त्याला आपल्या संघात स्थान दिले. त्यामुळे मुंबईच्या पर्समध्ये हार्दिकला संघात स्थान देण्यासाठी पैसे आले होते. त्यामुळे मुंबई इंडियन्सला हार्दिकला आपल्या संघात स्थान देता आले. पण हा निर्णय आता त्यांच्या अंगलट आल्याचे पाहायला मिळाले आहे. सध्या ऑस्ट्रेलिया आणि न्यूझीलंड यांच्यात कसोटी सामना सुरु आहे. या कसोटी सामन्याच्या पहिल्या डावात ग्रीनला चौथ्या स्थानावर बढती देण्यात आली होती. या गोष्टीचा फायदा ग्रीनने उचचला. ग्रीनने यावेळी २३ चौकार आणि पाच षटकारांच्या जोरावर नाबाद १७३ धावांची भन्नाट खेळी साकारली. त्यामुळे आयपीएलपूर्वीच ग्रीन हा भन्नाट फॉर्मात आल्याचे समोर आले आहे. ग्रीन हा एक अष्टपैलू खेळाडू आहे. त्यामुळे तो कधीही सामना फिरवू शकतो. आता तर ग्रीनने धडाकेबाज फटकेबाजी करत आपण भन्नाट फॉर्मात आल्याचे दाखवून दिले आहे. त्यामुळे कॅमेरून ग्रीनला संघाबाहेर करण्याचा मुंबई इंडियन्सचा निर्णय चुकल्याचे पाहायला मिळत आहे. त्याचबरोबर हा मुंबईच्या संघाला बसलेला एक मोठा धक्का असल्याचेही समजले जात आहे.

मुंबई इंडियन्सने हार्दिक पंड्याला संघात स्थान दिले, कर्णधारपदही दिले. त्यामुळे चाहत्यांची नाराजी ओढवून घेतली आहे. रोहित शर्माचे चाहते तर हार्दिकला चांगलेच ट्रोल करत आहेत. त्यामुळे आता हार्दिक पंड्या या आयपीएलमध्ये कशी कामगिरी करतो, याकडे सर्वांचे लक्ष लागलेले असेल.

2024-03-01T07:39:39Z dg43tfdfdgfd