मुंबई इंडियन्सला विजयानंतर मिळाली अजून एक गुड न्यूज, सामना संपल्यावर काय घडलं जाणून घ्या...

मोहाली : मुंबई इंडियन्सच्या संघाने पंजाब किंग्सवर दमदार विजय साकारला. या विजयानंतर मुंबई इंडियन्सच्या संघाला एक गुड न्यूज मिळाली आहे. मुंबई आणि पंजाबचा सामना संपला आणि त्यानंतर ही आनंदाची बातमी मिळाली.

मुंबईच्या विजयात सूर्याकुमार यादव, रोहित शर्मा आणि जसप्रीत बुमराह या जुन्या खेळाडूंचा मोठा सहभाग असल्याचे पाहायला मिळाले. सूर्याने ७८ धावा केल्या, तर रोहितने त्याला ३६ धावा करत चांगली साथ दिली. बुमराहने अचूक आणि भेदक मारा केला. त्यामुळे मुंबई इंडियन्सच्या संघाला विजय साकारता आला. मुंबई इंडियन्सचा हा तिसरा विजय ठरला. हा सामना संपला आणि त्यानंतर मुंबई इंडियन्सच्या संघासाठी आनंदाची बातमी मिळाली.

या सामन्यापूर्वी मुंबई इंडियन्सच्या संघाने सहा सामने खेळले होते. या सहा सामन्यांपैकी मुंबई इंडियन्सच्या संघाने चार सामने गमावले होते. सहापैकी मुंबईच्या संघाला फक्त दोन विजय मिळवता आले होते. त्यामुळे मुंबई इंडयिन्सचा संघ हा नवव्या स्थानावर होता. पण मुंबईच्या संघाने पंजाबच्या संघाला पराभूत केले. मुंबई इंडियन्सचा हा तिसरा विज ठरला. त्यामुळे मुंबईच्या संघाने या विजयासह दोन गुण मिळवले आहेत. या दोन गुणांसह आता मुंबई इंडियन्सच्या संघाचे आता सहा गुण झाले आहेत. या सहा गुणांसह मुंबई इंडियन्सचा संघ हा सातव्या स्थानावर पोहोचला आहे. मुंबई इंडियन्सच्या संघाने यावेळी पॉइंट्स टेबलमध्ये पंजाब किंग्स आणि गुजरात टायटन्स या दोन्ही संघांना पिछाडीवर ढककलले आहे. त्यामुळे आता पंजाबचा संघ जो यापूर्वी आठव्या स्थानावर होता तो नवव्या स्थानावर पोहोचला आहे, तर गुजरातचा संघ जो सातव्या स्थानावर होता तो आता आठव्या स्थानावर पोहोचला आहे. कारण आता सातवे स्थान पटकावले आहे ते मुंबई इंडियन्सने.

मुंबई इंडियन्ससाठी हा विजय महत्वाचा आहे. कारण मुंबईचा संघ हा यापूर्वी नवव्या स्थानावर होता. या विजयासह त्यांनी दोन संघांना गुणतालिकेत पिछाडीवर टाकले आहे. त्यामुळे मुंबईचा संघ असा खेळत राहीला तर त्यांना बाद फेरीच्या दिशेने कूच करता येऊ शकते.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-18T18:25:31Z dg43tfdfdgfd