मुलीसोबत रंगपंचमी खेळत होती रोहितची पत्नी रितिका शर्मा, तेवढ्यात हार्दिक पंड्या आला आणि...

अहमदाबाद: आयपीएल २०२४साठीचा लिलाव होण्याआधी मुंबई इंडियन्सने रोहित शर्माला कर्णधारपदावरून हटवले आणि त्याच्या जागी हार्दिक पंड्याची नियुक्ती केली. संघाला ५ वेळा विजेतेपद मिळून देणाऱ्या रोहितच्या जागी हार्दिकची नियुक्ती चाहत्यांना काही आवडली नाही. चाहत्यांची ही नाराजी काल रविवारी झालेल्या सामन्यात देखील दिसून आली. इतक नाही तर या निर्णयावर रोहितची पत्नी रितीकाने देखील प्रतिक्रिया देऊन नाराजी व्यक्ती केली होती.

आयपीएलमध्ये रविवारी मुंबई इंडियन्स आणि गुजरात टायटन्स यांच्यात लढत झाली. या लढतीत मुंबईचा ६ धावांनी पराभव झाला. त्याच्या दुसऱ्या दिवशी म्हणजेच सोमवारी मुंबई इंडियन्सच्या सर्व खेळाडूंनी रंगपंचमी खेळली. यात रोहित शर्मा आणि त्याचे कुटुंब देखील सहभागी झाले होते.

रंगपंचमी खेळतानाचा एक व्हिडिओ सोशल मीडियावर व्हायरल होत आहे, ज्यात रोहित शर्माची पत्नी रितिका सजदेह ही मुलगी समायरासह होळी खेळताना दिसते. तेवढ्यात हार्दिक पंड्या मागून येते आणि रितिकाच्या खांद्यांवर हात ठेवतो. त्यानंतर रितिका मागे वळून पाहिले आणि दोघांनी एकमेकांना मिठी मारली. रितिकाशी बोलल्यानंतर हार्दिक समायराकडे आला आणि त्याने हात पुढे केला त्यावर तिने पिचकारीमधून त्याला पाणी मारले.

बेक्कार ट्रोल झाला हार्दिक

रविवारी नरेंद्र मोदी स्टेडियमवर मुंबई इंडियन्स आणि गुजरात टायटन्स यांच्यात लढत झाली. या लढतीत दोन्ही संघांच्या चाहत्यांनी हार्दिकला ट्रोल केले. टॉसच्या वेळीच हार्दिकच्या विरोधात घोषणाबाजी झाली. त्यानंतर पॅव्हेलियनकडे जाताना चाहत्यांनी त्याला छपरी अशी हाक मारली.

गेल्या हंगामात हार्दिक गुजरात संघाचा कर्णधार होता. त्यानंतर तो मुंबईकडे परत आला. इतक नाही तर रोहितच्या जागी त्याला कर्णधार नियुक्त केल्याने चाहते अधिकच नाराज झाले. आता मुंबईची पुढील मॅच घरच्या मैदानावर होणार आहे, तेव्हा हार्दिकला अधिक ट्रोल केले जाण्याची शक्यता आहे.

दरम्यान बीसीसीआयने सोमवारी आयपीएलच्या दुसऱ्या टप्प्यातील वेळापत्रक जाहीर केले. यानुसार प्लेऑफच्या लढती २१ मेपासून सुरू होतील. अंतिम मॅच २६ मे रोजी चेन्नईच्या चेपॉक मैदानावर खेळवली जाणार आहे.

2024-03-25T15:42:31Z dg43tfdfdgfd