रोहित व बुमराह समोरून हार्दिकने पळ काढला, मुंबई इंडियन्सच्या चाहत्यांमध्ये व्हिडिओ व्हायरल...

नवी दिल्ली : मुंबई इंडियन्सचा नवा कर्णधार हार्दिक पंड्याची चांगलीच फेफे उडाल्याचे पाहायला मिळाली आहे. कारण रोहित शर्मा आणि जसप्रीत बुमराह यांना पाहून मुंबई इंडियन्सचा कर्णधार हार्दिकने पळ काढल्याचे पाहायला मिळाले आहे. या गोष्टीा व्हिडिओ चांगलाच व्हायरल झाला आहे.

हार्दिक पंड्याला जेव्हा मुंबई इंडियन्सने कर्णधार बनवले होते, तेव्हा बुमराहची एक पोस्ट चांगलीच व्हायरल झाली होती. हार्दिकच्या नियुक्तीवर बुमराह नाराज असल्याचे पाहायला मिळाले होते. दुसरीकडे रोहित शर्माच्या चाहत्यांनी हार्दिकला जोरदार ट्रोल केले होते. त्यामुळे हार्दिकला हे दोघेही भारी पडणार, असे वाटत होते. हीच गोष्ट अखेर पाहायला देखील मिळाली.

पहिल्याच सामन्यात बुनराह हा गोलंदाजी करत होता. त्यावेळी हार्दिकला त्याच्याशी काही बोलायला आला होता. त्यावेळी रोहितही तिथेच होता. त्यावेळी बुमराह हा हार्दिकला काही तरी समजावून सांगत असल्याचे पाहायला मिळत होते. त्यावेळी हार्दिक पंड्या तिथे थोडा वाद घालत असल्याचे पाहायला मिळाले. त्यावेळी बुनराहा त्याला पुन्हा एक गोष्ट समजावून सांगत होता. पण बुमराहची ही गोष्ट समजून घ्यायला हार्दिक तयारच नव्हता. त्यानंतर रोहित शर्मा थोडा पुढे सरसावला. त्यावेळी हार्दिक पंड्याने तिथून पळ काढल्याचे पाहायला मिळाले. हार्दिक तिथे बुमराह आणि रोहित यांच्याबरोबर बोलण्यास तयार दिसला नाही. त्यानंतर बुमराहने ही गोष्ट रोहितला समजावून सांगितले. त्यावर रोहितने बुमराहची ही गोष्ट ऐकून घेतली आणि त्याला सल्ला दिला. त्याचबरोबर हीच गोष्ट हार्दिकलाही सांगण्यास सांगितले. मैदानात ऐनवेळी रणनिती ठरत असते पण एक कर्णधार म्हणून त्यामध्ये हार्दिक अपयशी ठरल्याचे पाहायला मिळाले आहे. कारण यावेळी रणनिती आखण्यात हार्दिक थांबलाच नाही, अखेर बुमराह आणि रोहित यांनी रणनिती ठरवली.

एक कर्णधार म्हणून पहिल्याच सामन्यात हार्दिक ट्रोल झाल्याचे पाहायला मिळाले आहे. चाहते तर हार्दिकला जोरदार ट्रोल करत आहेत आणि दुसरीकडे रोहितला चांगले समर्थन देत आहेत. त्यामुळे मैदानात सामना खेळताना हार्दिकला चाहत्यांचाही सामना करावा लागणार आहे.

2024-03-26T08:29:07Z dg43tfdfdgfd