रोहित शर्मा इतिहास रचण्यासाठी एक पाऊल दूर, हार्दिक सोडा सचिनलाही ही गोष्ट जमली नाही

मुंबई : रोहित शर्मा हा मुंबई इंडियन्सचा कर्णधार नसला तरी त्याचीच सर्वात जास्त चर्चा आहे. कारण चााहत्यांना रोहितला डोक्यावर घेतले आहे. दुसरीकडे रोहित शर्मा हा इतिहास रचण्यासाठी फक्त एक पाऊल दूर आहे. कारण आतापर्यंत हा रेकॉर्ड कोणालाही करता आलेला नाही. कर्णधार हार्दिक पंड्या तर सोडाच, पण जी गोष्ट महान खेळाडू सचिन तेंडुलकरही जमली नाही ती आता रोहित शर्मा करणार आहे. त्यामुळे मुंबई इंडियन्स आता रोहित शर्माचे पुढील सामन्यात खास सत्कार करण्याच्या तयारीत दिसत आहे.

रोहित शर्मा या आयपीएलच्या पहिल्याच सामन्यात भन्नाट फॉर्मात दिसला. कारण रोहितने पहिल्या सामन्यात मुंबईचा डाव सावरला होता. मुंबईला पहिल्या तीन षटकांतच दोन धक्के बसले होते. पण त्यानंतर रोहित शर्माने धडाकेबाज कामगिरी केली आणि संघाला विजयाचा पाया रचू दिला होता. रोहित शर्माने या सामन्यात तिसऱ्या विकेटसाठी ७७ धावांची भागीदारी रचली होती. त्याचबरोबर ४३ धावांची धमाकेदार खेळी साकारली होती. पण रोहित बाद झाला आणि तिथेच सामना फिरल्याचे पाहायला मिळाले. पण आता या दुसऱ्या सामन्यात रोहित शर्मा इतिहास रचण्यासाठी सज्ज झाला आहे.

मुंबई इंडियन्सचा दुसरा सामना आता सनरायझर्स हैदराबादबरोबर होणार आहे, हा सामना २७ मार्चला खेळवला जाणार आहे. या सामन्यात आता रोहित शर्माला इतिहास रचण्याची संधी आहे. कारण आतापर्यंत हा रेकॉर्ड कोणालाच जमलेला नाही. रोहित शर्मा हा मुंबई इंडियन्सकडून २०० वा सामना खेळण्यासाठी सज्ज झाला आहे. आतापर्यंत मुंबई इंडियन्सच्या संघाकडून कोणत्याही खेळाडूला २०० सामने खेळता आलेले नाहीत. रोहित शर्मा जेव्हा २७ मार्चला हैदराबादविरुद्धच्या सामन्यासाठी मैदानात उतरेल, तेव्हा त्याचा मुंबई इंडियन्सकडून २०० वा सामना असणार आहे. ही गोष्ट आतापर्यंत सचिन तेंडुलकरलाही जमलेली नाही. त्यामुळे या सामन्यापूर्वी मुंबई इंडियन्सचा संघ त्याचा खास सत्कार करू शकते, हे समोर आले आहे. कारण रोहित हा आता मुंबई इंडियन्सकडून सर्वाधिक सामना खेळणार खेळाडू म्हणून ओळखला जाणार आहे. त्यामुळे हा सामना रोहितसाठी महत्वाचा ठरणार आहे.

मुंबई इंडियन्सचा हा हा पुढील सामना हैदराबादच्या राजीव गांधी स्टेडियमवर होणार आहे. रोहित शर्मासाठी हा सामान खास असणार आहे. त्यामुळे आता रोहित शर्मा या आपल्या २०० व्या सामन्यात कशी कामगिरी करतो, याकडे सर्वांचे लक्ष लागलेले असेल.

2024-03-26T10:14:16Z dg43tfdfdgfd