रोहित शर्मा दिनेश कार्तिकला असं काय म्हणाला होता, तुफानी फटकेबाजीनंतर व्हिडिओ झाला व्हायरल

नवी दिल्ली : दिनेश कार्तिक हा सध्याच्या घडीला भन्नाट फॉर्मात आहे. सनरायझर्स हैदराबादच्या सामन्यात दिनेश कार्तिकने तुफानी खेळी साकारली होती. त्यापूर्वी मुंबई इंडियन्सचा रोहित शर्मा त्याला एक खास गोष्ट बोलला होता. रोहित कार्तिकला नेमकं काय बोलला होता, याचा व्हिडिओ सध्याच्या घडीला चांगलाच व्हायरल झाला आहे.

कार्तिक हा सध्याच्या घडीला भन्नाट फॉर्मात आहे. त्याने हैदराबादविरुद्धच्या सामन्यात फक्त ३५ चेंडूंत पाच चौकार आणि सात षटकारांच्या जोरावर ८३ धावांची धडाकेबाज खेळी साकारली होती. तो जेव्हा खेळत होता, तेव्हा समोर कितीही धावा असल्या तरी आरसीबी जिंकेल असे वाटत होते. कारण कार्तिक हा धमाकेदार फटकेबाजी करत हैदराबादच्या गोलंदाजांना चांगला घाम फोडत होता. पण कार्तिक जेव्हा खेळत होता तेव्हा रोहित शर्माचा एक व्हिडिओ चांगलाच व्हायरल होत होता.

या सामन्यापूर्वी आरसीबीची लढत ही मुंबई इंडियन्सबरोबर झाली होती. हा सामना वानखेडेवर झाला होता आणि मुंबई इंडियन्सने आरसीबीवर विजय मिळवला होता. पण हा सामना कार्तिकने चांगलाच गाजवला होता. कारण या सामन्यात कार्तिकने झंझावाती नाबाद ५३ धावांची खेळी साकारली होती. कार्तिक यावेळी मुंबई इंडियन्सच्या गोलंदाजांची पिसे काढत होता त्यावेळी रोहित शर्मा हा स्लीपमध्ये उभा होता. रोहित आणि कार्तिक हे बराच काळ क्रिकेट खेळत आहेत आणि ते चांगले मित्रही आहेत. त्यावेळी रोहित शर्मा कार्तिकजवळ आला आणि त्याला म्हणाला होता, "शाब्बास डीके, वर्ल्ड कप खेलना हैं अभी, वर्ल्ड कप..." रोहित शर्मा ही गोष्ट स्टम्पजवळ येऊन बोलला होता, त्यामुळे ते स्टम्पच्या माइकमुळे सर्वांना ऐकायला आले होते. त्यावेळी रोहितचा व्हिडिओ व्हायरल व्हायला सुरुवात झाली होती. पण जेव्हा डीके हा हैदराबादच्या सामन्यात झुंजार फटकेबाजी करत होता तेव्हा हा व्हिडिओ भन्नाट व्हायरल झाल्याचे पाहायला मिळाले.

दिनेश कार्तिक सध्याच्या घडीला दमदार फलंदाजी करत धावा जमवत आहे, पण त्याला वर्ल्ड कपच्या संघात संधी मिळणार का, याकडे सर्वांचे लक्ष लागलेले असेल.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-16T11:37:19Z dg43tfdfdgfd