रोहित शर्माने कसलीही पर्वा न करता केली भन्नाट फिल्डिंग, व्हिडिओमध्ये पाहा नेमकं काय घडलं...

मुंबई : रोहित.. रोहित नावाचा नारा पुन्हा एकदा वानखेडे स्टेडियममध्ये घुमला. कारण रोहित शर्माची भन्नाट फिल्डींग ही मुंबई इंडियन्स आणि चेन्नई सुपर किंग्स यांच्यातील सामन्यात पाहायला मिळाली. रोहितने यावेळी उडी मारून मुंबईसाठी धावा वाचवल्या आणि या गोष्टीचा व्हिडिओ सध्याच्या घडीला चांगलाच व्हायरल झाला आहे.

ही गोष्ट घडली ती १२ व्या षटकात. त्यावेळी मुंबई इंडियन्सचा आकाश मढवाल हा गोलंदाजी करत होता. या षटकाच्या चौथ्या चेंडूवर ही गोष्ट घडल्याचे पाहायला मिळाले. यावेळी ऋतुराज गायकवाड हा स्ट्राइकवर होता आणि तो चांगल्या फॉर्मात होता. या १२ व्या षटकाच्या चौथ्या चेंंडूवरही ऋतुराजने जोरदार फटका लगावला. हा चेंडू आता थेट चौकार जाईल, असे वाटत होते. पण त्यावेळी मिड विकेटला फिल्डींग करत होता तो रोहित शर्मा. रोहित शर्मा यावेळी वेगाने धावत चेंडू जवळ जाण्याचा प्रयत्न करत होता. रोहित शर्माने एवढ्या जोरात धाव घेतली की, तो चेंडूच्या जवळ पोहोचला. रोहित शर्माने यावेळी उडी मारली आणि तो चेंडू त्याच्या हाताला लागला. हा झेल होऊ शकला असता, पण रोहित एवढ्या जोरात आला की तो चेंडू त्याच्या हाताला लागला आणि खाली पडला. पण उडी मारल्यावरही रोहित शर्मा थांबला नाही, तो लगेच उठला आणि तो चेंडू त्याने यष्टीरक्षकाकडे फेकला.

हे सर्व करत असताना रोहितची पँट थोडी खाली सरकली होती. पण रोहित शर्माने त्याची तमा बाळगली नाही. हे सर्व करत असताना रोहितने फक्त एकच धाव दिली. त्यामुळे चाहत्यांनी यावेळी रोहितला जोरदार चीअर केल्याचे पाहायला मिळाले. त्यामुळे मैदानात रोहित... रोहित असा जोरदार नारा ऐकायला मिळाला.

रोहित शर्माकडून यावेळी उत्तम क्षेत्ररक्षणाचा नमुना पाहायला मिळाला. कारण रोहितने यावेळी तीन धावा तर नक्कीच वाचवल्या. त्यामुळे मुंबईचे चाहते यावेळी रोहितचे कौतुक करत होते. रोहितचा हा व्हिडिओ सध्याच्या घडीला चांगलाच व्हायरल झालेला आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-14T16:25:28Z dg43tfdfdgfd