रोहित शर्माने मैदानाबाहेरही साधेपणाने सर्वांची मनं जिंकली, व्हिडिओमध्ये पाहा नेमकं काय केलं...

मुंबई : रोहित शर्माकडे मुंबई इंडियन्सचे कर्णधारपद नाही, तरीही मैदानात तो चाहत्यांची मनं जिंकतो आहे. पण मैदानात सोडा आता मैदानाबाहेरही रोहित शर्माने चाहत्यांची मनं अत्यंत साध्यापणाने जिंकली आहेत. रोहित शर्माचा हा व्हिडिओ सोशल मीडियावर चर्चेचा विषय ठरल आहे.

रोहित शर्माचे कर्णधारपद मुंबई इंडियन्सने काढून घेतले, पण तरीही रोहित शर्मा दमदार फलंदाजी करत आहे. कारण मुंबई इंडियन्सकडून सर्वाधिक धावा रोहित शर्माच्या खात्यात आहेत. एकिकडे हार्दिक पंड्याकडे संघाचे कर्णधारपद आहे, पण तो गोलंदाजी आणि फलंदाजी या दोन्ही विभागांत सपशेल अपयशी ठरत आहे. दुसरीकडे त्याचे संघातील व्यक्तींशी वागणेही योग्य नाही. लसिथ मलिंगाचा तर त्याने तिसऱ्यांदा अपमान केला. हार्दिक एकिकडे चाहत्यांच्या मनातून उतरत चालला आहे, तर दुसरीकडे रोहित मात्र आपल्या वागण्यातून चाहत्यांची मनं जिंकत असल्याचे समोर आले आहे.

रोहितचा हा व्हिडिओ गाड्यांच्या पार्किंगमधला दिसत आहे. या व्हिडिओमध्ये रोहित शर्मा आपली बॅग स्वत:हून गाडीत ठेवताना दिसत आहे. त्यानंतर शांतपणे गाडीचा दरवाजा बंद करून तो पुढच्या सीटवर जाण्यासाठी निघत आहे. यावेळी काही चाहते रोहितला बोलवत असल्याचे दिसत आहे. पण रोहित शर्मा चाहत्यांना स्मित हास्य देत त्यांचे प्रेम स्विकारताना दिसत आहे. यावेळी काहीही न बोलता रोहित थम्पची खूण करत गाडीत बसल्याचे पाहायला मिळत आहे. एकिकडे मुंबई इंडियन्सची अवस्था बिकट आहे, त्याचे दडपण रोहितवरही दिसत आहे. पण तरीही रोहित ते सर्व बाजूला सारत चाहत्यांना निराश करत नसल्याचे पाहायला मिळत आहे.

मैदानात हार्दिक पंड्या जेव्हा गोंधळून जातो तेव्हा रोहित शर्माच त्याच्या मदतीला येत असल्याचे पाहायला मिळाले आहे. सनरायझर्स हैदराबादचा सामना असो किंवा किंग्स इलेव्हन पंजाबबरोबरचा. या दोन्ही सामन्यांत रोहितच संघाचे नेतृत्व करत होता. पंजाबचा सामना तर मुंबईचा संघ जिंकता जिंकता हरायला आला होता. त्यावेळी अखेरच्या काही षटकांमध्ये रोहित शर्माने संघाचे सारथ्य केले आणि त्यामुळेच संघाला विजय मिळाला. त्यावेळी रोहितने चाहत्यांची मनं जिंकली. आता मैदानाबाहेरही रोहित चाहत्यांची मनं जिंकत आहे.

एकिकडे हार्दिकचे वागणे योग्य नसले तरी रोहित मात्र आपल्या वागण्यातून चाहत्यांची मनं जिंकताना दिसत आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-24T11:55:03Z dg43tfdfdgfd