रोहित शर्माने रचला इतिहास, सचिन तेंडुलकरने केला खास सत्कार, कोणलाच हा विक्रम जमला नाही

हैदाराबाद : रोहित शर्माने बुधवारी इतिहास रचल्याचे पाहायला मिळाले. जे कोणालाही जमले नाही ते रोहित शर्माने या सामन्यात करून दाखवलं. त्यामुळे महान क्रिकेटपटू सचिन तेंडुलकरने रोहितचा यावेळी खास सत्कार केल्याचे पाहायला मिळाले.

रोहित शर्मा हा यापूर्वी मुंबई इंडियन्सचा कर्णधार होता. पण यावर्षी त्याच्याकडून कर्णधारपद मुंबई इंडियन्सने काढून घेतले आणि हार्दिक पंड्याकडे नेतृत्व सोपवले. पण रोहित शर्मा हा मुंबई इंडियन्ससाठी का महत्वाचा आहे, याचे उत्तर आजच्या सामन्यात पुन्हा एकदा मिळाल्याचे पाहायला मिळाले. कारण जी गोष्ट सचिन तेंडुलकरलाही जमली नाही ती रोहित शर्माने करून दाखवली आहे.

रोहित शर्मा आज मुंबई इंडियन्सकडून २०० आयपीएल सामने खेळणारा पहिला खेळाडू ठरणार आहे. विराट कोहली (RCB) आणि महेंद्रसिंग धोनी (CSK) यांनी आपल्या संघांकडून ही गोष्ट केली होती. त्यामुळे आयपीएलच्या इतिहासातील तो २०० सामना खेळणार पहिला खेळाडू ठरला आहे. पण मुंबई इंडियन्सकडून मात्र कोणत्याही संघाला आतापर्यंत २०० सामन्यांचा टप्पा गाठता आला नाही. रोहितचा मुंबई इंडियन्सकडून हा २०० वा सामना असला तरी यापूर्वी तो डेक्कन चार्जर्सकडून खेळत होता. तिथे तो ४५ सामने खेळला होता. त्यामुळे रोहित शर्माच्या नावावर एकूण २४५ आयपीएलचे सामने आहेत. आतापर्यंत आयपीएलध्ये रोहितपेक्षा जास्त सामने खेळण्याचा विक्रम हा महेंद्रसिंग धोनीच्या नावावर आहे. कारण धोनी आतापर्यंत सर्वाधिक २५२ आयपीएलचे सामने खेळला आहे.

रोहित आयपीएलमध्ये मुंबई इंडियन्सकडून स्पर्धेच्या १४ व्या हंगामात खेळत आहे, मुंबईकडून एवढे हंगाम खेळणारा तो एकमेव खेळाडू आहे. रोहित २०११ पासून या संघात आहे आणि फक्त सहा सामने वगळता तो सर्व सामन्यांत खेळलेला आहे. रोहित शर्माने मुंबई इंडियन्सकडून खेळताना सर्वाधिक धावाही केल्या आहेत. रोहितच्या नावावर ५ हजारपेक्षा जास्त धावा आहेत. आतापर्यंत मुंबई इंडियन्सकडून ३५०० पेक्षा जास्ता धावा कोणालाही करता आलेल्या नाही. त्यामुळे धावांच्या यादीतही रोहित हा पहिल्या स्थानावर आहे.

आयपीएलमध्ये रोहित शर्माच्या नावावर शतक आहे. आयपीएलमध्ये मुंबई इंडियन्सकडून सर्वप्रथम शतक झळकावण्याचा मान हा सचिन तेंडुलकरला मिळाला होता. त्यानंतर दुसरे शतक हे रोहित शर्माच्या नावावर आहे. रोहितने २०१२ साली इडन गार्डन येथे केकेआरच्या संघाविरुद्ध खेळताना नाबाद १०९ धावांची खेळी साकारली होती. मुंबई इंडियन्ससाठी रोहित शर्माने १११ विजय मिळवले आहेत, त्याचबरोबर यापैकी ८७ विजयांत तो मुंबई इंडियन्सचा कर्णधारही होता. रोहितने मुंबई इंडियन्ससाठी सर्वाधिक १६ सामनावीराचे पुरस्कार पटकावले आहेत, आतापर्यंत संघातील एकाही खेळाडूला ही गोष्ट मजलेली नाही. त्याचबरोबर मुंबई इंडियन्सकडून सर्वात जास्त ३० पेक्षा जास्त धावा करण्याचा विक्रमही रोहितच्या नावावर आहे.

रोहित शर्माने मुंबई इंडियन्ससाठी बरेच विक्रम केले आहेत. आजच्या सामन्यात तर रोहितचा मोठा विक्रम समोर आला आहे.

2024-03-27T14:16:56Z dg43tfdfdgfd