विजयानंतर मॅचविनर ध्रुव जुरेलची पोस्ट व्हायरल, रोहित शर्माला नेमकं काय म्हणाला पाहा...

नवी दिल्ली : ध्रुव जुरेल हा भारताच्या विजयाचा शिल्पकार ठरला. कारण जुरेलने या सामन्यात जी ९० धावांची खेळी साकारली ती सामन्याला कलाटणी देणारी ठरली. पण आता सामना जिंकल्यावर भारताचा मॅचविनर ध्रुवची एक पोस्ट चांगलीच व्हायरल झाला आहे. या पोस्टमध्ये ध्रुवने रोहित शर्माला नेमकं काय म्हटलं आहे हे आता समोर आले आहे.

भारताची पहिल्या डावात ७ बाद १७७ अशी अवस्था झाली होती. त्यावेळी ध्रुव भारताच्या मदतीला धावून आला. ध्रुवने कुलदीप यादवबरबोर आठव्या विकेटसाठी मोठी भागीदारी रचली. त्यामुळे भारताला इंग्लंडला मोठी आघाडी घेण्यावाचून परावृत्त करता आले. कारण ही ध्रुव आणि कुलदीप यांची भागीदारी भारताच्या विजयाचा टर्निंग पॉइंट ठरली. त्यानंतर दुसऱ्या डावातही ध्रुवने दमदार फलंदाजी करत भारताच्या विजयावर शिक्कामोर्तब केले. पण हा सामना जिंकल्यावर ध्रुवने रोहित शर्माबाबत एक कमेंट केली असून ती चांगलीच व्हायरल झाली आहे.

ध्रुव जुरेलचा हा दुसराच सामना होता. यापूर्वी भारताच्या यष्टीरक्षकपदी केएस भरतला बऱ्याच संधी दिल्या होत्या. पण तो सातत्याने अपयशी ठरत असल्याचे पाहायला मिळत होते. राजकोट येथील तिसऱ्या कसोटीत रोहित शर्माने भरतला वगळले आणि त्याच्या जागी ध्रुवला संधी दिली. ध्रुवला तिसऱ्या कसोटीत छाप पाडता आली नव्हती. पण तरीही रोहित शर्माने त्याच्यावर विश्वास ठेवला आणि त्याला चौथ्या कसोटीत पुन्हा संधी दिली. हा आपल्यावरील विश्वास ध्रुवने कायम ठेवला आणि त्याने याबाबत रोहितला एक गोष्ट म्हटली आहे.

ध्रुवने आपल्या पोस्टमध्ये म्हटले आहे की, " माझ्यासारख्या मुलावर तुम्ही जो विश्वास दाखवला, त्याबद्दल रोहितभैय्या तुमचे आभार. द्रविड सर धन्यवाद." ध्रुवला कोणीही गॉडफादर नाही किंवा कोणाची शिफारस घेऊन तो संघात आलेला नाही. पण तरीही त्याला रोहित शर्माने संधी दिली. पहिल्या सामन्यात त्याला चांगली कामगिरी करता आली नसली तरी रोहितने त्याच्यावर विश्वास ठेवला. पण जर रोहितने चौथ्या कसोटीत त्याला संधी दिली नसती तर ध्रुवची चमक दिसलीच नसती. त्यामुळे रोहितने दिलेल्या संधीचे मोल ध्रुवलाही आहे. त्यामुळेच ध्रुवने ही कमेंट आपल्या पोस्टमध्ये केली आहे.

रोहित शर्मा हा नेहमीच युवा खेळाडूंनी संधी देत त्यांच्यावर विश्वास ठेवतो. ही गोष्ट आता पुन्हा समोर आली आहे. ध्रुव जुरेल हे त्याचे मूर्तीमंत उदाहरण आहे.

2024-02-27T08:01:54Z dg43tfdfdgfd