विराट कोहली T20 WORLD CUP 2024 खेळणार, बीसीसीआयने कोणती अट ठेवली पाहा...

नवी दिल्ली : विराट कोहली हा T20 World Cup 2024 खेळणार नाही, अशा बातम्या पसरल्या जात आहेत. काही जणांनी तर विराट वर्ल्ड कप खेळणार नाही, यावर शिक्कामोर्तबही केले आहे. पण खरी गोष्ट तशी नसल्याचे आता समोर आले आहे. बीसीसीआयने विराट कोहलीपुढे फक्त एकच अट ठेवली आहे. जर कोहलीने ही अट पूर्ण केली तर त्याला T20 World Cup 2024 मध्ये खेळता येणार आहे.

कोहली टी-२० वर्ल्ड कप का खेळू शकत नाही, याबाबत बऱ्याच गोष्टी ऐकायला येत आहेत. वेस्ट इंडिजमधील खेळपट्ट्या संथ असल्यामुळे कोहलीला वर्ल्ड कपच्या संघात स्थान देणार, नाही असे काही जणं म्हणत आहेत. दुसरीकडे कोहली हा रणजी क्रिकेट खेळला नाही, त्यामुळे त्याला वर्ल्ड कपच्या संघात स्थान देण्यात येणार नाही असेही म्हटले जात आहे. पण बीसीसीआयने विराटपुढे संघात परतण्यासाठी फक्त एकच अट ठेवली आहे. ही अट नेमकी आहे तरी कोणती, देखील आता स्पष्ट झाले आहे.

बीसीसीआयचे म्हणणे सर्वांसाठी स्पष्ट आहे. खेळाडूंनी फॉर्म आणि फिटनेस दाखवावा. खेळाडूंनी बीसीसीआयच्या अधिकृत स्पर्धांमध्ये भाग घेतला आणि त्यांनी फॉर्म व फिटनेस दाखवला तर त्यांना भारतीय संघात कमबॅक करता येऊ शकते. कोहलीसाठीही बीसीसीआयने हाच नियम आता लावला आहे. कोहली आता थेट आयपीएलमध्ये खेळताना आपल्याला दिसणार आहे. या आयपीएलमध्ये कोहलीने दमदार कामगिरी केली आणि धावांचे इमले उभारले तर त्याला भारताच्या टी-२० वर्ल्ड कपच्या संघात स्थान मिळवता येऊ शकते. बीसीसीआयच्या एका अधिकाऱ्याने याबाबत सांगितले की, " विराट कोहली हा बराच काळ संघाबरोबर नाही. त्यामुळे संघाबरोबर त्याचा समन्वय सध्याच्या घडीला नाही. पण जर आयपीएलमध्ये त्याने दमदार कामगिरी केली तर त्याला भारताच्या टी-२० वर्ल्ड कपच्या संघात स्थान मिळू शकते."

कोहली हा कौटुंबिक कारणास्तव संघाबाहेर होता आणि याबाबत त्याने बीसीसीआयला कळवले होते. बीसीसीआयने देखील त्याची विनंती मान्य केली होती. त्यामुळे कोहली हा इंग्लंडविरुद्धच्या कसोटी मालिकेत खेळू शकला नव्हता. या कालावधीत कोहली कुटुंबियांच्या घरात एक आनंंदाची बातमी आली. विराट आणि अनुष्का यांना पूत्ररत्न झाले. कोहलीने सोशल मीडियावर ही बातमी दिली आणि त्यानंतर आता तो सध्या कुठे आहे हे अजून कोणालाही समजू शकलेले नाही.

2024-03-12T08:24:23Z dg43tfdfdgfd