विराट कोहली नॉट आऊट कसा होता, सिदूने व्हिडिओमध्ये समजावलं सर्वात मोठं कारण

कोलकाता : विराट कोहली हा केकेआरच्या सामन्यात आऊट होता की नॉट आऊट, यावर आता जोरदार चर्चा सुरु आहे. पण भारताचे माजी कर्णधार नवज्योत सिंग सिद्धू यांनी विराट नॉट आऊट कसा होता, हे छाती ठोकपणे सांगितले आहे. त्याचबरोबर विराट का नॉट आऊट होता याबाबतचे सर्वात मोठे कारणही समजावले आहे.

सिद्धू म्हणाला की, " विराट नॉट आऊट होती. मी छाती ठोकून सांगतो की, विराट कोहली हा नॉट आऊट होता. खेळाचे नियम बदलले जाऊ शकतात. जे खेळाच्या हितासाठी आहे ते नियम आहेत. जिथे इम्पॅक्ट होतो, ती गोष्ट महत्वाची असते. पहिली गोष्ट तर तो बीमर आहे. कोणताही गोलंदाज जेव्हा बीमर टाकतो, तेव्हा तो माफी मागतो, ही पहिली गोष्ट आहे. "

सिद्धू पुढे म्हणाला की, " दुसरी गोष्ट आणि सर्वात महत्वाचे कारण म्हणजे तो एक बीमर आहे आणि जेव्हा इम्पॅक्ट झाला आहे तिथे चेंडू हा थोडा नाही तर कमीत कमी दीड फूट कमेरेपेक्षा वर आहे. त्यामुळे माझ्यामते हा नियम जो आहे तो बदलायला हवा, कोणत्याही किंमतीमध्ये हा नियम बदलायला हवा.या एका निर्णयाने या सामन्याचा रंग बिघडवला. हे बघा जेव्हा कोहली चेंडू खेळला तेव्हा त्याचे डोळे बंद आहेत आणि चेंडू त्याच्या कमरेपेक्षा दीड फूट वर आहे. तो फकेत नो बॉल नाही, तर त्यावेळी पंचांनी कर्णधाराकडे पाहायला हवं होतं, त्यांच्याशी संवाद साधायला हवा होता. कारण मला आठवतं महेंद्रसिंग धोनीने असं जेव्हा घडलं होतं तेव्हा इयान बेलला पुन्हा फलंदाजीसाठी बोलावले होते. बेलने त्यानंतर द्विशतक झळकावले होते. त्यानंतर धोनीना खेळभावना जपल्याचा पुरस्कार मिळाला होता. तुम्ही बीमर टाकून विराट कोहलीसारख्या खेळाडूला बाद करणार आणि त्यानतर सिद्ध ते मानून घेईल, असे कदापी होणार नाही. विराट कोहली हा नाबाद होता आणि मी हे छाती ठोकून सांगतो. खेळाचे नियम आहेत, पण ते काळानुरुप बदलायला हवे."

विराट कोहलीच्या निर्णयावरून मोठा वाद सुरु आहे आणि यामध्ये सिद्धूने स्पष्टपणे आपली भूमिका व्यक्त केली आहे. पण त्यानंतर क्रिकेटच्या नियमांत बदल केले जाणार की नाही, ही सर्वात महत्वाची गोष्ट आहे. कारण काळ बदलला, पण क्रिकेटचे नियम तसेच असल्याचे समोर आले आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-21T17:00:19Z dg43tfdfdgfd