विराट कोहली शिखर धवनला पाहून हसायलाच लागला, नेमकं घडलं तरी काय जाणून घ्या...

नवी दिल्ली : शिखर धवन हा पंजाब किंग्स संघाचा कर्णधार आहे. आरसीबी आणि पंजाबचा सामान जेव्हा सुरु होता तेव्हा कोहली धवनला पाहून हसायला लागल्याचे पाहायला मिळाले. यावेळी नेमकं घडलं तरी काय, हे आता समोर आले आहे.

ही घटना १८ व्या षटकांत विराट जेव्हा सीमारेषे जवळुन जात होता तेव्हा त्याने स्टेडियममधून एक व्यक्ती हात दाखवत असल्याचे दिसले. तो एक चाहता होता ज्याने पंजाब किंग्जची जर्सी परिधान केली होती आणि तो धवन सारखा दिसत होता. हा चाहता धवन नसून त्याचा डुप्लिकेट आहे हे जेव्हा विराटच्या लक्षात आले तेव्हा तो जोरजोराने हसू लागला. तेव्हा कोहली व त्या चाहत्या वर कॅमेरा होता.

सोमवारच्या आयपीएल मॅचमध्ये शिखर धवन च्या एका चाहत्याने त्याच्या सारखा पेहरावा केल्यामुळे चांगलाच चर्चेत आला आहे. विराट कोहली मैदानात क्षेत्ररक्षणासाठी उतरला होता. तेव्हा स्क्रिनवर शिखर धवन सारख्या दिसणाऱ्या व्यक्तीला पाहून विराटला हसू आवरेना. सोशल मिडियावर त्याची चित्रे सध्या खुप व्हायरल होत आहेत.

आयपीएलची क्रेझ संपूर्ण देशात पहायला मिळत आहे. आयपीएल २०२४ चा प्रत्येक सामना रोमांचक ठरला आहे. रॉयल चॅलेंजर्स बंगळुरूला पहिल्या सामन्यात चेन्नई सुपरकिंग्ज कडून पराभव पत्करावा लागला होता. काल आरसीबीने पंजाब किंग्जचा पराभव करत गुणतालिकेत २ गुण घेत आपले खाते उघडले आहे. विराट कोहलीने महत्त्वपुर्ण ७७ रनांची खेळी करत १०० अर्धशतक असलेला पहिला भारतीय ठरला आहे. विराट जेव्हा क्षेत्ररक्षणासाठी मैदानात उतरला होता तेव्हा एका व्यक्तिवर कॅमेरा पडला होता, तो हुबेहुब पंजाब किेग्ज चा कर्णधार शिखर धवन सारखा दिसत होता. परंतु तो पंजाब किंग्जचा कॅप्टन नव्हता. तर तो शिखर धवनचा ड्युप्लिकेट असल्याचे थोड्या वेळाने समजले. त्यामुळे चाहतेही त्यानंतर हसायला लागले.

आरसीबी आणि पंजाब यांच्यातील सामना चांगलाच रंगतदार झाल्याचे पाहायला मिळाले.अखेरच्या षटकांत दिनेश कार्तिकने धमाकेदार फटकेबाजी केल्यामुळे आरसीबीला हा सामना जिंकता आला.

2024-03-26T14:29:41Z dg43tfdfdgfd