शुभमन गिल सामना सुरु असताना पंचांवरच का भडकला, व्हिडिओमध्ये पाहा नेमकं काय घडलं...

जयपूर : गुजरात टायटन्सचा युवा कर्णधार शुभमन गिल हा सामना सुरु असतानाच मैदानातील पंचांवर भडकल्याचे पाहायला मिळाले. मैदानातील हा प्रकार चांगलाच व्हायरल झाला आहे. मैदाना नेमकं घडलं तरी काय, हे आता समोर आले आहे.

नेमकं घडलं तरी काय जाणून घ्या...

ही गोष्ट घडली ती १७ व्या षटकात. त्यावेळी राजस्थान रॉयल्सचा कर्णधार संजू सॅमसन हा फलंदाजी करत होता. त्यावेळी गुजरात टायटन्सचा मोहित शर्मा हा गोलंदाजी करत होता. मोहितने यावेळी चेंडू संथ गतीने टाकला. त्यानंतर पंचांनी मोहितचा हा चेंडू वाईड असल्याचा निर्णय दिला. त्यावेळी गिल हा पंचांवर चांगलाच भडकल्याचे पाहायला मिळाला. हा चेंडू वाईड कसा काय देऊ शकतो, यावर गिल पंचांशी भांडत होता. त्यानंतर गिलने यावेळी रीव्ह्यू घ्यायचे ठरवले. त्यामुळे टीव्ही अंपायरकडे हा निर्णय गेला.

टीव्ही अंपायरने हा चेंडू पुन्हा पाहिला आणि त्यानंतर त्यांनी आपला निर्णय दिला. यावेळी हा चेंडू वाईड दिसत नसल्याचे पाहायला मिळत होते. टीव्ही अंपायरनेही यावेळी हा चेंडू वाईड नसल्याचा निर्णय दिला. त्यानंतर गिल कुठे शांत झाल्याचे पाहायला मिळाले. पण त्यापूर्वी गिल हा मैदानात चांगलाच भडकला होता.

गुजरात टायटन्सने नाणेफेक जिंकून प्रथम क्षेत्ररक्षणाचा निर्णय घेतला. यशस्वी जयस्वाल आणि जोस बटलर यांना 'पॉवरप्ले' अर्थात पहिल्या सहा षटकांत गुजरातच्या गोलंदाजांना यश आले. मात्र, त्यानंतर मिळालेल्या संधीचा रियान परागने पुरेपुर फायदा उठवला. रियान पराग आणि संजू सॅमसन यांनी तिसऱ्या विकेटसाठी ७८ चेंडूंत १३० धावांची भागीदारी रचली. त्या जोरावर राजस्थान रॉयल्सने १९६ धावांपर्यंत मजल मारली.

सहाव्या षटकात परागने खातेही उघडले नव्हते. त्या वेळी परागचा झेल यष्टीरक्षक वेडला झेल घेता आला नाही. आठव्या षटकात रशीद खानच्याच गोलंदाजीवर वेडला पुन्हा परागचा झेल घेता आला नाही. याचा मोठा फटका गुजरातला बसला. परागने ४८ चेंडूंत तीन चौकार आणि पाच षटकारांसह ७६ धावांची खेळी केली, तर त्याला साथ देताना कर्णधार संजू सॅमसनने ३८ चेंडूंत सात चौकार आणि दोन षटकारांसह नाबाद ६८ धावांची खेळी केली. अखेरच्या टप्प्यात हेटमायरने पाच चेंडूंत एक चौकार आणि एक षटकारासह नाबाद १३ तेरा धावांचे योगदान दिले.

गुजरातच्या संघाने या सामन्यात राजस्थानवर दमदार विजय साकारल्याचे पाहायला मिळाले.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-11T08:46:07Z dg43tfdfdgfd