सर्फराझ खानने का मागितली सुनील गावस्कर यांची माफी, नेमकं प्रकरण आहे तरी काय जाणून घ्या...

नवी दिल्ली : सर्फराझ खानने पहिल्याच कसोटी मालिकेत आपली छाप पाडली आहे. सर्फराझ भन्नाट फॉर्मात आहे. पण सर्फराझवर आता सुनील गावस्कर यांची माफी मागायची वेळ आली आहे. हे प्रकरण नेमकं आहे तरी काय, हे आता समोर आले आहे.

सर्फराझ खानला जेव्हा भारतीय संघात स्थान मिळत नव्हते, तेव्हा गावस्कर त्याच्या पाठिशी ठामपणे उभे असल्याचे पाहायला मिळत होते. सर्फराझ रणजी स्पर्धेत धावांचा पाऊस पाडत होता. पण तरीही त्याला भारतीय संघात स्थान मिळत नव्हते. तेव्हा गावस्कर यांनी सर्फराझची बाजू घेतली होती आणि निवड समितीचे लक्ष वेधले होते. पण आता सर्फराझवरच गावस्कर यांनी माफी मागण्याची वेळ आली आहे.

नेमकं प्रकरण आहे तरी काय...

सर्फराझने इंग्लंडविरुद्धच्या कसोटी मालिकात धावांचा डोंगर रचला. पण इंग्लंडविरुद्धच्या पाचव्या कसोटी सामन्यात एक अशी गोष्ट घडली की, त्यामुळे गावस्कर हे सर्फराझवर नाराज झाले होते. सर्फराझने धडाकेबाज फटकेबाजी करत ५६ धावा फटकावल्या होत्या. त्यानंतर सामन्याच्या दुसऱ्या दिवशीचे चहापान झाले. चहापानंतर भारताचे फलंदाज मैदानात आले. यावेळी चहापानानंतर सर्फराझ हा स्ट्राइकवर होता आणि शोएब बशिर हा गोलंदाजी करत होता. त्यावेळी पहिल्याच चेंडूवर सर्फराझ बाद झाला आणि सुनील गावस्कर त्याच्यावर भडकले होते.

सुनील गावस्कर सर्फराझबाबत काय म्हणाले, पाहा....

गावस्कर यावेळी म्हणाले होते की, " सर्फराझने ज्या चेंडूवर फटका मारला तो आखूड टप्प्याच्या नव्हता. त्यामुळे सर्फराझ थर्ड मॅनाला फटका मारायला गेला आणि स्लीपमध्ये झेल देऊन बाद झाला. खरं तर हा चेंडू फटका मारण्यासारखा नक्कीच नव्हता. कारण चेंडूचा टप्पा आणि दिशा ही फटका मारण्यासाठी नव्हती. या गोष्टीची किंमत सर्फराझला मोजावी लागली महत्वाची गोष्ट म्हणजे हा चहापानानंतरचा पहिलाच चेंडू होता. त्यावेळी खेळाडूने प्रथम स्थिरस्थावर होण्यावर भर द्यायला हवा. प्रत्येक चेंडू निरखून पाहायला हवा आणि त्यानंतरच फलंदाजाने फटका मारायला हवा. त्यामुळे या चुकीचा मोठा फटका फक्त सर्फराझ नव्हे तर भारतीय संघालाही बसला."

सर्फराझ खान नेमकं काय म्हणाला...

सर्फराझला जेव्हा गावस्कर नेमकं काय म्हणाले हे समजले तेव्हा त्याला आपली चूक कळली. सर्फराझने यावेळी श्याम भाटीया यांच्या मार्फत गावस्कर यांची माफी मागितली आहे. सर्फराझ म्हणाला की, " कृपया माझ्यावतीने आपण गावस्कर सरांची माफी मागाल का? कारण माझ्याकडून मोठी चूक झाली आणि अशी चूक मी पुन्हा होऊ देणार नाही."

सर्फराझ खानला गावस्कर यांनी दाखवून दिलेली चूक समजली आहे आणि त्याने त्यांची माफीही मागितली आहे.

2024-03-12T13:24:53Z dg43tfdfdgfd