सर्वाधिक धावा करणाऱ्या संजू सॅमसनला १२ लाखांचा दंड, नेमकं घडलं तरी काय जाणून घ्या...

नवी दिल्ली : संजू सॅमसनने दिल्ली कॅपीटल्सच्या सामन्यात सर्वाधिक धावा केल्या. पण सर्वाधिक धावा करणाऱ्या संजू सॅमसनलाच आता १२ लाख रुपयांदा दंड भरावा लागणार आहे. कारण बीसीसीआयने आता त्याच्यावर कडक कारवाई केली आहे.

दिल्लीविरुद्धच्या सामन्यात संजूने सर्वाधिक ८६ धावा केल्या, एवढ्या धावा कोणालाही करता आल्या नाहीत. संजूने तुफानी फटकेबाजी केली आणि त्यामुळेच राजस्थानच्या आशा निर्माण झाल्या होत्या. पण संजूचा अप्रतिम झेल हा दिल्लीच्या शाई होपने सीमारेषेवर पकडला आणि तिथेच हा सामना फिरला. कारण संजू बाद झाल्यावर हा सामना राजस्थानच्या हातून निसटला. पण संजूने यावेळी सर्वाधिक धावा करुनही त्याच्यावरच कारवाई करण्यात आली आहे.

नेमकं घडलं तरी काय जाणून घ्या...

संजूने मुकेश कुमारच्या गोलंदाजीवर जोरदार फटका मारला. हा षटकार जाईल, असे वाटत होते. पण दिल्लीच्या शाई होपने कमाल केली. सीमारेषेवर त्याने अप्रतिम झेल पकडला आणि संजूला बाद देण्यात आले. त्यावेळी होपचा पाय सीमारेषेला लागल्याचे वाटत होते. तिसऱ्या पंचांनी ते पाहिले. पण त्यांनी लगेचच आपला निर्णय दिला आणि संजूला बाद व्हावे लागले. त्यानंतर संजूने याबाबत मैदानातील पंचांना याबाबत विचारणा केली. कारण तिसऱ्या पंचांनी योग्य शहानिशा न केल्याचे संजूला वाटत होते. त्यामुळे संजू हा मैदानातील पंचांशी वाद घालत असल्याचे पाहायला मिळाले. संजूने यावेळी डीआरएस घेण्याचेही सांगितले, पण तोपर्यंच वेळ निघून गेली होती. त्यामुळे संजूबरोबर राजस्थानच्या खेळाडूंचा पारा चांगलाच चढला होता.

संजूवर दंड का ठोठावण्यात आला...

संजूने बाद झाल्यावर मैदानातील पंचांशी वाद घातला. संजूकडून ही चूक घडल्याचे सामनाधिकारी यांनी संजूला सांगितले. संजूने याबाबतची आपली चूक मान्य केली. त्यानंतर संजूवर १२ लाख रुपयांचा दंड ठोठावण्यात आला आहे.

संजू हा खरंच बाद होता की नव्हता, यावर अजूनही वाद सुरु आहे. कारण तिसऱ्या पंचांनी यावेळी पूर्ण शहानिशा करणे गरजेचे असल्याचे चाहत्यांचे म्हणणे आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-05-08T12:14:01Z dg43tfdfdgfd