सुनील नरिनच्या शतकानंतर शाहरुख खानची भन्नाट प्रतिक्रीया, पाहा नेमकं काय केलं...

कोलकाता : सुनील नरिन यावेळी केकेआरसाठी हुकमी एक्का ठरला. कारण केकेआरचे खेळाडू मोठी खेळी साकारण्यात अपयशी ठरत असले तरी नरिन धमाकेदार फटकेबाजी करत होता. त्यामुळे जेव्हा नरिनने आपले शतक झळकावले तेव्हा संघाचा मालक शाहरुख खानने भन्नाट प्रतिक्रिया दिल्याचे पाहायला मिळाले.

केकेआरच्या फिल सॉल्टला यावेळी १० धावांवर समाधान मानावे लागले. पण या पहिल्या धक्क्यातून संघाला सावरले ते नरिनने. कारण नरिनने यावेळी कसलीही पर्वा केली नाही. नरिन हा राजस्थान रॉयल्सच्या गोलंदाजीवर तुटून पडत होता. नरिन यावेळी राजस्थानच्या गोलंदाजीच्या विरोधात चांगली फलंदाजी करत असल्याचे पाहायला मिळाले. खासकरून नरिनने यावेळी आर. अश्विनचा चांगलाच समाचार घेतला. अश्विन यावेळी त्याला ऑफ स्टम्पच्या बाहेर चेंडू टाकत होता, पण नरिनने हार मानली नाही. नरिन यावेळी एकामागून एक फटकेबाजी करत राहीला आणि त्याने आपले अर्धशतक झळकावले. संघासाठी नरिनचे हे अर्धशतक महत्वाचे होते. कारण तोच एकटा यावेळी मोठी फटकेबाजी करत होता. त्यानंतर सुनिल हा शतकाच्या दिशेने कूच करत होता. नरिनने यावेळी चैकार लगावत ४९ चेंडूंत आपेल शतक साजरे केले. त्यामुळेच शाहरुख खाननेही त्याच्या शतकानंतर भन्नाट प्रतिक्रीया दिल्याचे पाहायला मिळाले.

केकेआरचा हा सामना घरच्या मैदानात होता आणि त्याला शाहरुखने उपस्थिती लावली होती. त्यामुळे शाहरुख यावेळी मैदानात काय करतो, याकडे सर्वांचे लक्ष लागलेले होते. नरिनने जेव्हा शतक झळकावले तेव्हा शाहरुखवर कॅमेरा गेला होता. त्यावेळी शाहरुख खानने नरिनच्या शतकाचे खास सेलिब्रेशन केले. शाहरुखने यावेळी दोन्ही हात हवेत उंचावत खास सेलिब्रेशन केल्याचे पाहायला मिळाले. त्यानंतर शाहरुखने दोन्ही हाताने सुनिलला अभिवादन केले आणि दोन्ही हातांनी जोरदार टाळ्या वाजवल्याचे पाहायला मिळाले. शाहरुख यावेळी नरिनवर भलताच खूष असल्याचे पाहायला मिळाले.

सुनील नरिनचे शतक झाल्यावर टाईम आऊट घेण्यात आला आणि त्यानंतर त्याने गौतम गंभीरला मिठी मारल्याचे पाहायला मिळाले. त्यावेळी शाहरुख खान हा नरिनच्या शतकाचा आपल्या चाहत्यांबरोबर आनंद लुटत होता.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-16T16:07:48Z dg43tfdfdgfd