स्मृती मानधनाचा बॉयफ्रेंड काय होतोय ट्रोल, WPL जिंकल्यावर असं काय घडलं पाहा...

नवी दिल्ली : स्मृती मानधनाच्या नेतृत्वाखाली आरसीबीने WPL 2024 फायनल जिंकली. पण त्यानंतर आता स्मृतीचा बॉयफ्रेंड ट्रोल व्हायला लागला आहे. पण या विजेतेपदानंतर नेमकं असं घडलं तरी काय, हे आता समोर आले आहे.

आरसीबीच्या पुरुषांच्या संघाला आतापर्यंत स्पर्धा जिंकता आलेली नाही. जी गोष्ट आरसीबीच्या पुरुष संघाला जमली नाही ती आता मुलींच्या संघाने करून दाखवली आहे. त्यामुले स्मृतीचे क्रिकेट विश्वात जोरदार कौतुक होत आहे. आरसीबीच्या संघाने या स्पर्धेत सातत्यामे चांगली कामगिरी केली. या स्पर्धेच्या फायनलमध्ये दिल्लीचा संघ फेव्हरीट समजला जात होता. आरसीबीला जास्त पाठिंबा मिळत नव्हता. पण स्मृतीच्या दमदार नेतृत्वाच्या जोरावर अखेर आरसीबीने बाजी मारली आणि जेतेपद पटकावले.

आरसीबीने जेतेपद पटकावल्यावर कर्णधार या नात्याने प्रथम स्मृतीच्या हातात विजयी चषक देण्यात आला. त्यानंतर स्मृतीने संघातील खेळाडूंना हा चषक दिला आणि जोरदार सेलिब्रेशन करायला सुरुवात झाली. त्यानंतर आरसीबीच्या संघाचे फोटो काढण्यात आले. विराट कोहलीचाही व्हिडिओ कॉल यावेळी आला आणि त्याने आरसीबीच्या विजयी संघाला शुभेच्छा दिल्या. त्यानंतर प्रत्येक खेळाडू विजयी चषकाबरोबर आपला फोटो काढण्यासाठी उत्सुक असल्याचे पाहायला मिळाले. यावेळी स्मृतीबरोबर फोटो काढायला आला तो पलाश मुच्छल. पलाश हा एक संगीतकार आहे आणि त्याचे स्मृतीबरोबर अफेअर सुरु असल्याचे म्हटले जात आहे.

या जेतेपदानंतर पलाशने आपला स्मृतीबरोबरचा फोटो सोशल मीडियावर शेअर केला. त्यानंतर काही प्रसार माध्यमांनीही हा फोटो शेअर केला. त्यावर आता चाहत्यांनी जोरदार कमेंट्स करायला सुरुवात केली आहे. स्मृती मानधना ही नॅशनल क्रश असल्याचे सर्वांनाच माहिती आहे. त्यामुळे चाहत्यांना तिच्याबाबत थोडे प्रेम आणि आपुलकी आहे. स्मृतीच्या बॉयफ्रेंडलाही याचा काही वेळा वाईट अनुभव आला आहे.

या फोटोमध्ये पलाशने स्मृतीच्या खांद्यावर हात ठेवला आहे. त्यामुळे चाहत्यांनी आता पलाशला ट्रोल करायला सुरुवात केलं आहे. स्मृतीच्या खांद्यावरचा हात काढ, असं चाहते त्याला बोलताना दिसत आहेत.

2024-03-18T12:55:33Z dg43tfdfdgfd