हार्दिकचे भावूक वक्तव्य.. म्हणाला, मुंबईसाठी खेळणे म्हणजे घरी परतण्यासारखे

टीम इंडियाचा स्टार अष्टपैलू खेळाडू हार्दिक पंड्या मुंबई इंडियन्स संघात पुनरागमन केले आहे, नुकताच हार्दिकने व्हिडीओच्या माध्यमातून चाहत्यांशी संवाद साधला आहे. यावेळी तो बोलला की लोक कधीही विसरणार नाही अशी कामगिरी माझ्या संघाकडून बघायला मिळेल. इंडियन प्रीमियर लीगच्या १७व्या हंगामापूर्वी, पांड्याने गुजरात टायटन्स सोडले आणि मुंबई इंडियन्सचा कर्णधारपद स्वीकारले. त्याने 2015 मध्ये मुंबईसाठी आयपीएलमध्ये पदार्पण केले आणि चार वेळा जेतेपद जिंकले आहे. 2022 च्या हंगामात तो गुजरात टायटन्स संघात गेला आणि त्याच वर्षी गुजरातने या स्पर्धेत जेतेपद जिंकले.

हार्दिक झाला भावूक

मुंबईची जर्सी घालून मैदानात उतरणे म्हणजे घरी परतण्यासारखे आहे. हाच तो संघ इथूनच माझा प्रवास सुरू झाला आहे. आमचे प्रदर्शन बघून सगळ्यांना अभिमान वाटेल अशी कामगिरी आम्ही करणार आहोत. यावेळी मुंबईचे प्रशिक्षक मार्क बाऊचर म्हणाले की हार्दीकला मुंबईच्या चेंजिंग रूमची माझ्यापेक्षा अधिक माहिती आहे. आगामी हंगामात अनेक नवीन चेहऱ्यांसह आम्ही उतरणार आहोत. यावेळी अनेक खेळाडू घडतील अशी आम्हाला आशा आहे.

जोफ्रा आर्चरला झाली दुखापत

मागील वर्षी इंडियन प्रीमियर लीगमध्ये मुंबई इंडियन्सकडून खेळत असताना, इंग्लिश वेगवान गोलंदाज जोफ्रा आर्चरला कोपराच्या दुखापतीमुळे टूर्नामेंटमध्येच बाहेर पडावे लागले आणि मे महिन्यात त्याच्या कोपरावर शस्त्रक्रिया करण्यात आली. मुंबई इंडियन्सने आर्चरला रिलीज केले होते. यानंतर, इंग्लंड आणि वेल्स क्रिकेट बोर्डाने आर्चरला गेल्या वर्षी डिसेंबरमध्ये झालेल्या आयपीएल खेळाडूंच्या लिलावात सहभागी होण्यास परवानगी दिली नाही, अतिरिक्त कामाचा भार हे त्यामागचे कारण सांगितले जात आहे. इंग्लंडचा वेगवान गोलंदाज जोफ्रा आर्चरने शस्त्रक्रियेनंतर पुनरागमन केले. कर्नाटक राज्य क्रिकेट असोसिएशन (KSCA) इलेव्हनसाठी आपल्या देशाच्या काउंटी संघ ससेक्सविरुद्ध दोन दिवसीय सराव सामन्यात सात षटकांच्या स्पेलमध्ये 22 धावांत दोन बळी घेतले. मार्च २०२३ पासून तो इंग्लंडकडून खेळलेला नाही.

2024-03-16T05:04:37Z dg43tfdfdgfd