हे काय झाले.. क्रिकेटचा देव असलेल्या सचिन तेंडुलकरला स्टँडअप कॉमेडियनने केले आऊट, व्हिडीओ बघून चाहते निराश

भारतात नुकतीच इंडियन स्ट्रीट क्रिकेट लीगला सुरुवात झाली आहे. या स्पर्धेच्या सुरुवातीला एक विशेष सामना खेळवण्यात आला. या टी१० स्पर्धेत सचिन तेंडुलकरने देखील भाग घेतला आहे. या मॅच दरम्यान कॉमेडियन व बिग बॉसच्या १७ व्या सिझनचा विजेता मुनव्वर फारुकीने सचिनला आऊट केले.

बिग बॉसच्या १७ व्या सिझनचा विनर मुनव्वर फारुकीने प्रेक्षकांना आश्चर्यचकीत करत मास्टर ब्लास्टर सचिन तेंडुलकरची विकेट घेतली आहे. तथापि, सचिनने १७ बॉलमध्ये ३० रन्स केले. सचिन आऊट झाल्याचा हा व्हिडीओ सोशल मीडियावर व्हायरल होत आहे. व्हिडीओ बघून सचिनचे चाहते निराश झाले आहेत.

शॉट मारण्याच्या प्रयत्नात सचिन आऊट

सचिन तेंडुलकर यांना मुन्नवर फारुकीच्या बॉलवर शॉट मारायचा होता या प्रयत्नात बॉल टाईम न झाल्यामुळे हवेत गेला व ३० यार्डच्या आतच बॉल खेळाडूद्वारे कॅच करण्यात आला. यापूर्वी अनेक दिग्गज गोलंदाज सचिनला आऊट करण्यात अयशस्वी राहिले आहेत. आयएसएल स्पर्धेत खेळाडूंचा परिचय करुन देण्यासाठी अनेक नामांकित सुपरस्टार पुढे सरसावले आहेत. अमिताभ बच्चन, अक्षय कुमार, रामचरण, सैफ अली खान व ऋतिक रोशन यांनी संघ खरेदी केले आहेत. या सस्पर्धेत एकूण १८ सामने खेळण्यात येणार असून १५ मार्च रोजी फायनल होणार आहे.

सचिनची आंतरराष्ट्रीय कारकिर्द

सचिनने तब्बल २४ वर्ष सलग भारतासाठी आंतराष्ट्रीय क्रिकेट खेळले आहे. यादरम्यान, २०० टेस्ट व ४६३ सामन्यात त्याने शतकांचे शतक झळकावले आहे. ४४ च्या सरासरीने सचिनने १८६२६ रन्स केले आहेत.

केवळ एंटरमेंटसाठी उतरला सचिन

सचिन या सामन्यात केवळ प्रेक्षकांचे एंटरटेंटमेंट करण्यासाठी उतरला. कारण सचिनला आऊट करणे सोपे नाही. आऊट होण्यापूर्वी सचिनने जोरदार बॅटिंग करुन प्रेक्षकांची मने जिंकली. त्याची मुलगी सारानेही आनंद व्यक्त केला. सचिनसोबत जम्मू काश्मीर येथील खेळाडू आमिर हुसेन हा देखील खेळत होता. सचिनला याआधी काश्मीर येथील पहाडी भागात क्रिकेट खेळतांना बघितले गेले यादरम्यान त्याची भेट आमिरशी झाली होती.

2024-03-07T06:25:47Z dg43tfdfdgfd