५० वा सामना, ५० वी विकेट आणि ५० वा विजय... मुंबई इंडियन्ससोबत वानखेडेवर घडला अजब योगायोग

मुंबई : वानखेडेच्या मैदानात मुंबई इंडियन्सबरोबर एक अजब योगायोग पाहायला मिळाला. कारण ५० व्या सामन्यात ५० विकेट्स आणि ५० वा विजय, असा ५० चा योगायोग समोर आला आहे.

मुंबई इंडियन्सच्या संघाने वानखेडे या आपल्या घरच्या मैदानात आरसीबीचा फडशा पाडला. आरसीबीने १९६ धावांचा डोंगर उभारला असला तरी मुंबई इंडियन्स अवघ्या १६ व्या षटकात हा सामना जिंकल्याचे पाहायला मिळाले. मुंबई इंडियन्सचा हा या आयपीएलमधील दुसरा विजय ठरला. यापूर्वी मुंबईच्या संघाने दिल्ली कॅपिटल्सविरुद्ध विजय मिळवला होता. त्यापूर्वी मुंबईचा संघ हा गुणतालिकेत १० व्या स्थानावर होता. पण पहिल्या विजयानंतर ते आठव्या स्थानावर पोहोचले होते. त्यानंतर मुंबईने आरसीबीला पराभूत केले आणि दुसरा विजय मिळवला. या विजयासह मुंबईच्या संघाचे एकूण ४ गुण झाले आहेत आणि मुंबईचा संघ हा आता सातव्या स्थानावर पोहोचला आहे. हा विजय मुंबईसाठी महत्वाचा होता. त्याचबरोबर यावेळी मुंबई इंडियन्सचा अजब योगायोग यावेळी पाहायला मिळाला.

मुंबईचा हा आपल्या घरच्या मैदानातील हा ५० वा विजय होता. आतापर्यंत कोणत्याही संघाला एका ठिकाणी ५० विजय मिळवता आलेले नाहीत. त्याचबरोबर घरच्या मैदानात ५० विजय मिळवणारा मुंबई हा आयपीएलमधील पहिला संघ ठरला आहे. या सामन्यात मुंबईच्या संघाने पीयुष चावलाला वगळून श्रेयस गोपालला संधी दिली होती. श्रेयस गोपालचा हा आयपीएलमधील ५० वा सामना होता. आपल्या ५० व्या सामन्यात श्रेयस गोपालने ग्लेन मॅक्सवेलला शून्यावर बाद केले. यावेळी श्रेयस गोपालची ही आयपीएलमधील ५० वी विकेट ठरली. त्यामुळे श्रेयस गोपाल ५० वा सामना खेळत असताना ५० वी विकेट त्याने घेतली आणि मुंबईचा वानखेडेवर हा ५० वा विजय ठरला. त्यामुळे या सामन्यात ५० चा एक अजब योगायोग पाहायला मिळाला.

मुंबई इंडियन्सचा हा या आयपीएलमधील हा दुसरा विजय ठरला. या विजयासह आता मुंबई इंडियन्सचा संघ गुणतालिकेत चार गुणांसह सातव्या स्थानावर आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-12T11:12:51Z dg43tfdfdgfd