IPL 2024: धोनीचा मास्टर प्लान, सामन्याच्या मध्यावर कर्णधार पदाची धुरा दुसऱ्या खेळाडूवर सोपवू शकतो माही

भारतीय संघ आणि चेन्नई सुपर किंग्जचा माजी फलंदाज अंबाती रायडू म्हणाला की, एमएस धोनी आयपीएलच्या मधल्या ओवर्समध्ये कर्णधारपद दुसऱ्याकडे सोपवू शकतो. गेल्या वर्षी क्रिकेटच्या सर्व फॉरमॅट रायुडूने शेवटचा नसमस्कार केला. स्टार स्पोर्ट्स वाहिनीवर एका कार्यक्रमात म्हणाला, 'इम्पॅक्ट प्लेयर नियमानुसार धोनी मधल्या ओवर्समध्ये कर्णधारपद दुसऱ्या खेळाडूकडे सोपवू शकतो. हे वर्ष सीएसके साठी अनेक नवीन बदलांचे ठरू शकते. कर्णधार म्हणून हे धोनीचे शेवटचे वर्ष असू शकते. तरीही त्याने कर्णधारपदी राहावे अशी माझी इच्छा आहे.असे,रायडू म्हणाला

नवीन भूमिकेचा अर्थ काय?धोनीने नुकतेच फेसबुक पोस्टद्वारे संकेत दिले होते की, तो यावर्षी आयपीएलमध्ये नवीन भूमिका साकारणार आहे. चेन्नई सुपर किंग्सने २०२२ मध्ये रवींद्र जडेजाकडे कर्णधारपद सोपवले होते, परंतु सलग पराभवानंतर त्याने कर्णधारपद स्पर्धेत अर्धवट सोडले आणि धोनी पुन्हा कर्णधार झाला, तेव्हापासून धोनी कर्णधार आहे आणि त्याने २०२३ मध्ये सीएसके ला पाचवे विजेतेपद मिळवून दिले.

धोनीला भेटण्यासाठी शार्दुल आतूर

गोलंदाज शार्दूल ठाकूर आयपीएलच्या आगामी हंगामात चेन्नईकडून खेळतांना दिसणार आहे. यावर्षी देखील धोनीच्या नेतृत्त्वात सीएसकेचा संघ चांगली कामगिरी करेल अशी त्याला आशा आहे. २०१८ ते २०२१ तो चेन्नई संघाचा भाग होता. मात्र सुमार कामगिरीमुळे चेन्नईने त्याला रिलीज केले. २०२२ साली दिल्ली तर २०२३ मध्ये तो केकेआर संघाकडुन खेळला मात्र पुन्हा २०२४ आयपीएलसाठी सीएसकेने त्याला चार कोटी रुपयांत विकत घेतले आहे. याहंगामात शार्दुल ठाकूर व्यतिरिक्त सीएसकेमध्ये युवा समीर रिझवी, न्यूझीलंडचा अष्टपैलू डॅरिल मिशेल आणि रचिन रवींद्र यांचाही समावेश असेल.

2024-03-16T06:04:41Z dg43tfdfdgfd