करो या मरो सामन्यात मुंबईसाठी ही एकच गोष्ट असेल महत्वाची, पाहा काय करावं लागेल...

मुंबई : मुंबई इंडियन्स आणि सनरायझर्स हैदराबाद यांच्यात सोमवारी मुंबईच्या वानखेडे स्टेडियमवर रंगणार आहे. मुंबई जरी प्लेऑफच्या शर्यतीतून जवळपास बाहेर पडली असली तरी हा सामना जिंकून नशिबावर आपली संधी कायम ठेवण्याचा त्यांचा प्रयत्न असेल. या मैदानावर झालेल्या शेवटच्या सामन्यात मुंबईला कोलकाताविरूद्ध १७० धावांचे लक्ष्य गाठता आले नव्हते. पण वानखेडेच्या मैदानात नेहमीच धावांची लूट होत असते. या करो या मरो सामन्यात मुंबईचा संघ किती धावा करतो, हे महत्वाचे ठरणार आहे.

आयपीएलच्या इतिहासात वानखेडे स्टेडियमवर आतापर्यंत एकूण ११६ सामने खेळले गेले आहेत. मुंबईत नाणेफेक जिंकणारा संघ प्रथम गोलंदाजी करण्याचा प्रयत्न करू शकतो कारण या स्टेडियमवर प्रथम फलंदाजी करणारे ५३ संघ विजयी ठरले आहेत तर प्रथम गोलंदाजी करणारे ६३ संघ विजयी झाले आहेत. त्यामुळे जर सनरायझर्सने हा सामना जिंकला तर त्यांच एक पाऊल पुढे पडेल आणि मुंबई आयपीएल २०२४ प्लेऑफच्या शर्यतीतून बाहेर पडणारा पहिला संघ बनेल. पण मुंबईचा संघ किती धावा करतो, यावर ते सामना जिंकणार की नाही हे ठरणार.

मुंबई इंडियन्स आणि सनरायझर्स हैदराबाद हे दोन संघ आयपीएलमध्ये २२ वेळा आमनेसामने आले आहेत आणि मुंबईइंडियन्सने हैदराबादवर आघाडी घेतली होती कारण त्यांनी १२ सामने जिंकले आहेत आणि हैदराबादने १० सामने जिंकले आहेत. तर ६ मे च्या सामन्यात मुंबईवर परत एकदा मात करते का याासाठी चाहते उत्सुक असतील.

वानखेडे स्टेडियमवर हैदराबादविरुद्ध मुंबईने सातपैकी पाच सामने जिंकले आहेत. तर हैदराबादला केवळ दोन सामन्यात यश आले आहे. मुंबईतील वानखेडे क्रिकेट स्टेडियमवरील खेळपट्टी फलंदाजांचे नंदनवन मानली जाते. या मैदानावर जोरदार धावा आहेत. मैदान लहान असल्याने चौकार आणि षटकारांचाही भरपूर पाऊस पडतो. या खेळपट्टीवर गोलंदाज संघर्ष करताना दिसत आहेत. मात्र या खेळपट्टीवर फिरकीगोलंदाजांना नक्कीच मदत होईल.

मुंबई इंडियन्ससाठी ही अखेरची संधी आहे, असे म्हटले जात आहे. त्यामुळे या करो या मरो सामन्यात मुंबईचा संघ कशी कामगिरी करतो, याकडे सर्वांचे लक्ष लागलेले असेल.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-05-06T13:06:54Z dg43tfdfdgfd