महेंद्रसिंग धोनीने रचला इतिहास, आतापर्यंत अशी कामगिरी कोणालाच करता आलेली नाही...

विशाखापट्टणम : महेंद्रसिंग धोनीच्या शिरपेचात मानाचा तुरा आता खोवला गेला आहे. धोनीने आता चेन्नई आणि दिल्ली यांच्यातील सामना इतिहास रचला आहे. आतापर्यंत क्रिकेट विश्वात कोणत्याही खेळाडूला जी गोष्ट जमली नाही ती धोनीने करून दाखवली आहे. त्यामुळे धोनीच्या चाहत्यांसाठी ही अभिमानास्पद गोष्ट असणार आहे.

धोनी आता चेन्नईचे नेतृत्वही करत नाही. पण एक खेळाडू म्हणून धोनी हा संघासाठी नेहमीच अव्वल कामगिरी करत असल्याचे पाहायला मिळाले आहे. त्यामुळे धोनी आपल्या चाहत्यांना कधीच नाराज करत नाही. धोनीच्या फलंदाजीसाठी तर सर्वच उत्सुक आहेत. पण त्याचपूर्वी धोनीने एक अशी कामगिरी केली आहे, जी आतापर्यंत कोणत्याही खेळाडूला जमलेली नाही.

ही गोष्ट घडली ती ११ व्या षटकात. त्यावेळी रवींद्र जडेजा हा गोलंदाजी करत होता, तर पृथ्वी साव हा फलंदाजी करत होता. या ११ व्या षटकाच्या चौथ्या चेंडूवर ही गोष्ट घडल्याचे पाहायला मिळाले. पृथ्वी हा चांगल्यया फॉर्मात होता आणि धडाकेबाज फटकेबाजी करत होता. त्यामुळे चेन्नईच्या संघासाठी तो धोकादायक होता. यावेळी जडेजा त्याला बाद करण्याचा प्रयत्न करत होता. पण त्याला यश मिळत नव्हते. यावेळी धोनी जडेजाच्या मदतीला धावून आला आणि त्याने संघाला यश मिळवून दिले. या चौथ्या चेंडूवर पृथ्वी मोठा फटका मारण्यासाठी गेला खरा, पण यावेळी त्याचा अंदाच चुकला. त्यामुळे पृथ्वीला यावेळी मोठा फटका मारता आला नाही. हा चेंडू बॅटला तर लागला, पण तो बॅटच्या मध्यभागी लागला नाही. चेंडूने पृथ्वीच्या बॅटची कडा घेतली होती. हा चेंडू एवढ्या वेगात गेला की तो पकडणे सोपे नक्कीच नव्हते. पण धोनी हा अशक्य गोष्टीही शक्य करतो, हे सर्वांनी पाहिले आहे. त्यामुळे धोनीने यावेळी कोणतीही चूक न करता हा झेल पकडला. धोनीचा हा टी-२० क्रिकटेमधील ३०० वा बळी ठरला आहे. एक यष्टीरक्षक म्हणून ३०० बळी घेणारा धोनी हा टी-२० क्रिकेटमधील पहिलाच खेळाडू ठरला आहे. आतापर्यंत कोणत्याही यष्टीरक्षकाला टी-२० क्रिकेटमध्ये ३०० बळींचा टप्पा गाठता आलेला नाही.

दिल्लीविरुद्धच्या सामन्यात चेन्नईच्या संघाला लवकर विकेट्स मिळत नव्हत्या. त्यावेळी धोनी संघासाठी धावून आल्याचे पाहायला मिळाले. धोनीने आता पृथ्वी सावचा झेल घेत एक मोठा रेकॉर्ड आपल्या नावावर केला आहे. आता तो फलंदाजी कशी करतो, याकडे सर्वांचे लक्ष नक्कीच लागलेले असेल.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-03-31T16:11:31Z dg43tfdfdgfd