मुंबई केकेआरविरुद्ध हरल्यावर आयपीएलमधून आऊट होणार का, जाणून घ्या संपूर्ण समीकरण...

मुंबई : आयपीएलच्या प्ले ऑफची शर्यत आता चांगलीच रंगतदार झाली आहे. त्यामध्येच मुंबई इंडियन्सचा सामना आता केकेआरविरुद्ध होणार आहे. पण केकेआरविरुद्ध जर मुंबई इंडियन्सचा संघ पराभूत झाला तर त्यांचे या आयपीएलमधील आव्हान संपुष्टात येणार आहे, याचे समीकरण आता समोर आले आहे.

मुंबई इंडियन्सने आतापर्यंत १० सामने खेळले आहेत. या १० सामन्यांमध्ये तब्बल सात सामन्यांमध्ये मुंबई इंडियन्सच्या संघाला सात पराभव पत्करावे लागले आहेत. पण या १० सामन्यांत मुंबई इंडियन्सला तीन विजय फक्त मिळवता आले आहेत. या तीन विजयांसह मुंबई इंडियन्सच्या संघाच्या खात्यामध्ये सहा गुण आहेत. मुंबईचा संघ हा या सहा गुणांसह पॉइंट्स टेबलमध्ये नवव्या स्थानावर आहे. पण मुंबईचा संघ नवव्या स्थानावर असला तरी त्यांचे आव्हान अजूनही कायम आहे. पण केकेआरच्या पराभवानंतर मुंबई इंडियन्स प्ले ऑफमध्ये पोहोचू शकतो का, याचे समीकरण आता स्पष्ट झाले आहे.

मुंबई इंडियन्सचे अजून या आयपीएलमध्ये चार सामने बाकी आहेत. या चार सामन्यांमध्ये मुंबईने तर सर्व लढती जिंकल्या तर त्यांना अजून आठ गुण कमावता येऊ शकतात आणि त्यांचे एकूण १४ गुण होऊ शकतात. आयपीएलचे प्ले ऑफ गाठायचे असेल तर त्यासाठी एक मॅजिक फिगर असते. जेव्हा आठ संघ खेळायचे तेव्हा १२ गुण ही मॅजिक फिगर होती. पण आता आयपीएलमध्ये १० संघ असतात, त्यामुळे या आयपीएलचा मॅजिक फिगर हा १४ गुण असणार आहे. त्यामुळे आता मुंबई इंडियन्सच्या संघाने सर्वच्या सर्व सामने जिंकले तरच त्यांना आयपीएलच्या प्ले ऑफमध्ये पोहोचण्याची संधी असेल. पण जर केकेआरचा सामना मुंबई इंडियन्सने गमावला तर त्यांचे आव्हान संपुष्टात येणार असल्याचे समोर येत आहे. त्यामुळे मुंबईसाठी केकेआरचा सामना करो या मरो असाच असणार आहे.

मुंबई इंडियन्सच्या संघाची हार्दिक पंड्याच्या नेतृत्वाखाली आतापर्यंत चांगली कामगिरी झालेली नाही. त्यामुळेच ते आयपीएलच्या पॉइंट्स टेबलमध्ये नवव्या स्थानावर आहेत. त्यामुळे आता केकेआरच्या सामन्यात मुंबई इंडियन्सचा संघ जिंकतो की हरतो, याकडे सर्वांचे लक्ष लागलेले असेल. कारण मुंबईच्या संघाने हा सामना जिंकता तर त्यांना प्ले ऑफमध्ये पोहोचण्याची अजून एक संधी असू शकते. पण जर त्यांचा पराभव झाला तर ते आयपीएलमधून आऊट होणार आहेत.

मुंबई इंडियन्सने आता एक जरी सामना गमावला तरी त्यांचे आव्हान संपुष्टात येणार आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-05-03T03:23:48Z dg43tfdfdgfd