विराट कोहलीने अंपायरचा राग कोणावर काढला, व्हिडिओमध्ये पाहा नेमकं घडलं तरी काय...

कोलकाता : विराट कोहली बाद झाल्यावर पंचांवर चांगलाच भडकला होता. बाद झाल्यावर तो पंचांजवळ गेला आणि जोरदार वाद घालत होता. पण त्यानंतर विराट कोहलीने हा राग कोणावर काढला, हे आता समोर आले आहे. विराट कोहलीचा व्हिडिओ सध्याच्या घडीला चांगलाच व्हायरल झाला आहे.

विराट कोहलीबाबत घडलं तरी काय, जाणून घ्या...

ही गोष्ट घडली होती ती तिसऱ्याच षटकात. त्यावेळी केकेआरचा हर्षित राणा हा गोलंदाजी करत होता. विराट कोहलीने संघाला चांगली सुरुवात करून दिली होती. त्यामुळे कोहली आता मोठी खेळी साकारणार असेल दिसत होते. पण तिसऱ्या षटकाच्या पहिल्या चेंडूवर ही गोष्ट घडली. कोहलीसमोर राणाने फुलटॉस चेंडू टाकला. कोहली हा चेंडू मारण्यासाठी गेला. पण कोहलीकडून अचूक टायमिंग पाहायला मिळाले नाही. त्यामुळे कोहलीचा झेल उडाला आणि राणानेच तो झेल पकडला. त्यानंतर कोहली चांगलाच भडकला होता. कारण हा चेंडू नो बॉल असल्याचे त्याला वाटत होते.

कोहलीने ही गोष्ट पंचांना सांगितली आणि त्यांनी तिसऱ्या पंचांकडे यावेळी त्यांनी मदत मागितली. यावेळी चेंडू नेमका कोहलीने कुठे मारला आणि चेंडू कुठे होता, हे पंचांनी पाहिले. त्यानुसार तिसऱ्या पंचांनी हा चेंडू नो बॉल नसल्याचे सांगितले. त्यामुळे कोहलीला पंचांनी बाद ठरवले. पण यावेळी कोहली तिसऱ्या पंचांवरही भडकला होता. कोहलीला बाद ठरवल्यावर तो मैदानातील पंचांची वाद घालायला लागला. काही वेळाने तो मैदान सोडून निघाला आणि त्यानंतर त्याने पंचांवरचा राग काढल्याचे पाहायला मिळाले.

कोहलीने पंचांचा राग कोणावर काढला, पाहा...

विराट कोहली पंचांशी वाद घालून मैदानाबाहेर पडत होता. मैदानाबाहेर पडल्यावर तो पॅव्हेलियनच्या दिशेने निघाला. कोहलीने सुरुवातीला हा राग आपल्याच बॅटवर काढल्याचे पाहायला मिळाली. कारण कोहलीने यावेळी आपली बॅट जोरात आपटली. त्यानंतर विराटने तिथेच ठेवलेल्या कचरा कुंडीवर आपला राग काढला. कोहलीने कचरा कुंडीवर जोरात बॅट मारली आणि आपला राग व्यक्त केला. यावेळी कोहलीचे ग्लोव्ह्जही पडले. कोहलीने ते उचलले आणि तो रागाच्या भरात पुढे निघून गेला. कोहलीला यावेळी राग अनावर झाल्याचे पाहायला मिळाले. कारण कोहली बराच काळ पंचांशी भांडत होता. त्यानंतरही कोहली शांत झाला नाही, त्याने आपला राग बॅटवर काढल्याचे पाहायला मिळाले.

विराट कोहलीने आपला राग यावेळी बॅटवर काढला आणि त्याचा व्हिडिओ चांगलाच व्हायरल झाला आहे. त्यामुळे या सामन्यानंतर सामनाधिकारी नेमका काय निर्णय घेतात, याकडे सर्वांचे लक्ष लागलेले होते. कारण या प्रकरणी कोहलीवर कारवाी होण्याची शक्यता असल्याचे यावेळी म्हटले जात होते.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-21T15:00:08Z dg43tfdfdgfd