पंजाबच्या विजयानंतर प्रीती झिंटाची प्रतिक्रीया होतेय व्हायरल, व्हिडिओमध्ये पाहा असं काय घडलं...
नवी दिल्ली : पंजाब किंग्ज विरूद्ध गुजरात टायटन्स यांचात गुरुवारी झालेल्या सामन्यात पंजाबने आयपीएल २०२४ मधील सर्वात मोठे लक्ष्य गाठले आहे. अहमदाबादच्या नरेंद्र मोदी स्टेडियमवर झालेल्या रोमांचक सामन्यात पंजाब किंग्जने गुजरात टायटन्सचा एक चेंडू शिल्लक असताना तीन विकेट राखून बाजी मारली. सामन्यानंतर प्रीती झिंटाच्या मजेशीर व्हिडिओ व्हायरल होत आहे.
या विजयानंतर पंजाब किंग्जचा संघ आता आयपीएल २०२४ च्या गुणतालिकेत पाचव्या स्थानावर पोहोचला आहे. पंजाबने खेळलेल्या आयपीएलमधील चार सामन्यांतील दुसरा विजय गुरवारच्या सामन्याने नोंदविला. तर गुजरात टायटन्स चार सामन्यांपैकी दोन विजयांसह गुणतालिकेत सहाव्या स्थानावर आहे आणि पंजाबने विजया नंतर त्यांचा मुक्काम पाचव्या स्थानावर मांडला आहे.
गेल्या वर्षी आयपीएल लिलावात शशांक सिंगला संघात स्थान देत असताना पंजाबचा थोडा गोंधळ झाला होता. पंजाब किंग्जने चुकून शशांक सिंगला आपल्या संघात समाविष्ट केले. ह्या गोष्टीची चर्चा बरीच रंगात आली होती आणि आता या खेळाडूने आपल्या कामगिरीने त्या सर्व चर्चांकडे पाठ फिरवली असल्याचे दिसून येते. शशांक सिंगने अप्रतिम फटकेबाजी करत अवघ्या २९ चेंडूमध्ये ६ चौकार आणि ४ षटकारांचा पाऊस पाडत ६१ धावांची खेळी करून आपल्या संघाला विजय मिळवून दिला आणि चाललेल्या चर्चांना पूर्ण विराम दिला. दर्शन नलकांडेच्या षटकाच्या पाचव्या चेंडूवर शशांक सिंगने पंजाबसाठी विजयी धावा घेतल्या तेव्हा पंजाब किंग्जची सहमालकीण आणि बॉलिवूडची डिंपल गर्ल प्रीती झिंटा ने आनंदाने खुर्चीवरून उडी मारून स्टँडवरूनच विजयचा आनंद साजरा करण्यास सुरुवात केली. तिच्या या प्रतिक्रीयेचा व्हिडिओ मात्र प्रचंड व्हायरल होत आहे.
परंतु पंजाबच्या खरा किंग ठरला गोंधळ झालाल्यामुळे संघात समाविष्ट झालेला शशांक सिंग, ज्याने २९ चेंडूत चौकार आणि षटकारांच्या मदतीने नाबाद ६१ धावा केल्या. त्याच्या या खेळीच्या जोरावर पंजाब किंग्जने २०० धावांचे लक्ष्य यशस्वीरित्या गाठले. पंजाब संघाने एका वेळी ७० धावांत चार गडी गमावले होते. त्यानंतर त्यांना सलग तिसऱ्या पराभवाला सामोरे जावे लागेल असे वाटत असतानाच शशांक सिंगने त्याला संघात घेण्याचा निर्णय किती बरोबर आहे हे सर्वांना पटवून दिले.
अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या. 2024-04-05T14:58:21Z dg43tfdfdgfd